شىعىس قازاقستاندا التىن ىزدەۋشىلەر ايىلىن جيا ما؟

بۇل جەرگىلىكتى جۇرتتى قاتتى الاڭداتتى. ونىڭ ءبىرى كۇرشىمدەگى مارالدى، ەكىنشىسى سامار اۋدانىندا. الايدا ەكى جاقتا دا تۇرعىندار بۇل باستاماعا ءۇزىلدى كەسىلدى قارسى. التىننىڭ سوڭىنان جۇرگەندە تۇمسا تابيعاتتىڭ تۇبىنە جەتەمىز بە دەپ الاڭدايدى ونداعى ەل.

ءادىل قوجىقوۆ، مارالدى اۋىلىنىڭ تۇرعىنى:

- اۋىلىمىزدى تۇگەل شاڭ باسىپ كەتتى. اۋىلدىڭ ادامدارى دەمالۋدان قالدى. ءبارى ۇيلەرىنە تىعىلىپ وتىر. قازىر باستالماي جاتىپ وسىلاي. فابريكا باستالسا نە بولادى.

راسىمەن دە جۇرت شوشىرلىقتاي سەبەپ كوپ. ماسەلەن سامارداعى قۇلىنجون وزەنىنىڭ ماڭىن ءبىز ءبىر ەمەس بىرنەشە رەت تۇسىردىك. قىمبات مەتاللدى وندىرمەي جاتىپ، جاي عانا بارلاۋدىڭ ءوزى قورشاعان ورتاعا وراسان زاردابىن تيگىزگەن. بۇعان جەرگىلىكتى قوعام بەلسەندىلەرى دە كۋا. بۇگىن ولار ءوز ويلارىن ەكولوگيا مينيسترىنە اشىق جەتكىزدى.

الەكساندر فەدوسوۆ، اۋىلدىق قاۋىمداستىق ءتوراعاسى:

- قۇلىنجون وزەنى عانا ەمەس سول ماڭداعى قۇنارلى جەردىڭ ءبارى قازىلعان. قايتا قالىپقا كەلتىرۋ جۇمىستارى ىستەلمەگەن. سوندىقتان وسىنداي كاسىپكەرلەرگە ليتسەنزيا بەرۋدە ولارعا قويىلاتىن جاۋاپكەرشىلىك پەن تالاپتى قاتاڭداتۋ كەرەك. باقىلاۋدى دا كۇشەيتكەن ءجون.

كۇرشىمدىك تابيعات جاناشىرلارى دا مينيسترگە ءوز ارىز شاعىمدارىن اشىپ ايتتى. وسىلايشا جۋىق ارادا ول جاققا ارنايى كوميسسيا جىبەرىلەتىن بولدى.

سەرىكقالي برەكەشيەۆ، ق ر ەكولوگيا، گەولوگيا جانە تابيعي رەسۋرستار ءمينيسترى:

- ءبىز ول جاققا ورتالىق اپپاراتتاعى ەكولوگيالىق باقىلاۋ كوميتەتىنىڭ ءتوراعاسىن، سۋ رەسۋرستارى سونىمەن قاتار ورمان شارۋاشىلىعى جانە جانۋارلار الەمى بويىنشا مامانداردى جىبەرەمىز. سوندىقتان ءار تاراپتى جانە ءادىل زەرتتەۋ جاسالادى دەپ ويلايمىن.

دەگەنمەن بۇل شارۋانى تۇبەگەيلى رەتكە كەلتىرۋ ءۇشىن زاڭعا وزگەرىستەر ەنگىزىلۋ كەرەك دەيدى مينيستر. ال ازىرگە بارلىق جاعدايدى ەرەكشە باقىلاۋعا الۋعا ۋادە بەردى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى