قوستاناي وبلىسىنداعى ءورت: عارىشتان تۇسىرىلگەن سۋرەتتەر جاريالاندى - فوتو

ونى «جەردى قاشىقتان زوندتاۋ كومپانيالارىنىڭ قاۋىمداستىعى» ز ت ب كەڭەسىنىڭ مۇشەسى ابزال جامالوۆ Facebook جەلىسىندەگى پاراقشاسىندا جاريالادى.

«جەلىدە پىكىرلەر ايتىلعان كوپتەگەن فوتوسۋرەت پەن ۆيدەولار بار. مەن تەك 2022 -جىلدىڭ 4-قىركۇيەگىندەگى ساعات 11.50-دە (استانا ۋاقىتى بويىنشا) اپاتتىڭ شىنايى اۋقىمىن كورسەتكىم كەلەدى. سۋرەتتەر PlanetLabs كومپانياسىنىڭ PlanetScope جانە SkySat عارىش اپپاراتىنان الىندى»، - دەپ ءتۇسىندىردى مامان.

ابزال جامالوۆ ءار كۇندە تۇسىرىلگەن سۋرەتتەردى كورسەتتى. 1-قىركۇيەكتە ورمان القابىندا ەشقانداي اۋىتقۋ بولماعان.

«2-قىركۇيەكتە تەرميالىق انوماليالار توبى (نۇكتەلەر) پايدا بولدى. FIRMS قىزمەتىنىڭ ناشار اجىراتىمدى سۋرەتىنە قاراعاندا، وشاقتار قاراقالپاق ەلدى مەكەنىنە جاقىن ورنالاسقان»، - دەيدى ول.

«3-قىركۇيەكتە ءورت ورماننىڭ بارلىق اۋماعىنا تارادى. تەرميالىق انوماليالار بۇكىل پەريمەتردەن كورىنەدى. FIRMS قىزمەتىندەگى سۋرەتتەن ءتۇتىندى كورۋگە بولادى، ال PlanetScope سۋرەتىنەن باعانالى ەلدى مەكەنى ماڭىنداعى بەلسەندى وشاقتار كورىنەدى»، - دەيدى ابزال جامالوۆ.

ماماننىڭ ايتۋىنشا، 4-قىركۇيەكتە ورماننىڭ كوپ بولىگى (بۇكىل ورتالىق) ورتەنگەن. ورماننىڭ باتىس جانە شىعىس بولىگىندە بەلسەندى وشاقتار بايقالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى