جالىننىڭ مۇناي بازاسىنا وتۋىنە ءورت ءسوندىرۋ پويىزدارىنىڭ كومەگىمەن تويتارىس بەرىلگەن

«ق ت ج بولىمشەسى بىزگە ۇلكەن كومەك كورسەتتى. امانقاراعاي اۋىلىنداعى مۇناي بازاسىندا جارىلىس قاۋپى بولدى. ءورت ءسوندىرۋ پويىزدارىنىڭ كۇشىمەن ءورتتىڭ مۇناي بازاسىنا تارالۋىنا جول بەرىلگەن جوق، بۇل قايعىلى سالدارعا اكەلۋى مۇمكىن ەدى. جۇمىس جالعاسىپ جاتىر»، - دەدى يۋ. يلين.

ءورت ورنىندا ەسىل، قۇسمۇرىن، توبىل، اتباسار جانە قوستاناي ستانسيالارىنىڭ بەس ءورت ءسوندىرۋ پويىزى جۇمىلدىرىلعان. 250 تەمىرجولشى تارتىلدى. جاڭا ەسىل ستانتسياسىنىڭ ءورت ءسوندىرۋ پويىزى دايىندىقتا تۇر. پويىز قۇرامىندا سيستەرنالار مەن ۆاگون- سورعى ستانسياسى بار. ءورت ءسوندىرۋ پويىزىنىڭ جالپى سىيىمدىلىعى - 100 توننا سۋ، ءورت ءسوندىرۋ جەڭدەرىنىڭ ۇزىندىعى ءبىر شاقىرىمنان اسادى.

ەسىل ءورت ءسوندىرۋ پويىزىنىڭ باستىعى مۇرات حاسەنوۆ امانقاراعاي ستانسياسىنداعى ءورت جاعدايى تۋرالى ايتىپ بەردى. ءورت ءسوندىرۋ پويىزىنىڭ قىزمەتكەرلەرى مۇناي بازاسىنىڭ رەزەرۆۋارلارىنا جاقىن كەلگەن ءورتتى سوندىرگەن.

«جۇمىس قيىن جاعدايدا ءجۇرىپ جاتىر: ءتۇتىن، تۇك كورىنبەيدى. ۇيلەسىمدى ءىس- قيمىلدار ناتيجەسىندە ءورتتى توقتاتىپ، ستراتەگيالىق نىساندارعا جىبەرمەدىك. جاعداي باقىلاۋدا»، - دەدى م. حاسەنوۆ.

قۇسمۇرىن ستانسياسىنىڭ ءورت ءسوندىرۋ پويىزى تارتىمدىق قوسالقى ستانسيانى ورتتەن قورعاۋعا كىرىستى.

«ءورت ورمان جاعىنان كەلدى. ءبىز ونى توقتاتا الدىق، سودان كەيىن جۇمىستى جالعاستىردىق: ت ج م ءورت ءسوندىرۋ ماشينالارىن سۋمەن تولتىرامىز، بۇل سۋ كوزدەرىن ىزدەۋگە جانە ونى اۆتوكولىكپەن جەتكىزۋگە ۋاقىتتى ايتارلىقتاي ۇنەمدەدى»، - دەيدى ءورت ءسوندىرۋ پويىزىنىڭ باستىعى بەرىك اسانوۆ.

ءورت ءسوندىرۋ پويىزدارىنا 52 ماشينا (300 توننا) سۋ قۇيىلدى. تەمىرجولشىلار ارالىقتاردا ينفراقۇرىلىم نىساندارىنا جالىننىڭ تارالۋىن بولدىرماي، بولىنگەن جولاقتا ءورتتى ءسوندىردى، سونىڭ ارقاسىندا 4 -قىركۇيەك كۇنى تاڭەرتەڭ جۇك جانە جولاۋشىلار پويىزدارىنىڭ قوزعالىسى باستالدى.

رەداكتور

گۇلنۇر عازيز قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى