مينيستر جاڭا بيۋدجەت كودەكسى سالاعا قانداي وزگەرىس اكەلەتىنىن ايتتى

ايتۋىنشا، جاڭا بيۋدجەت كودەكسى قولدانىستاعى بيۋدجەت جۇيەسىنە نەگىزدەلەدى جانە مىناداي:

- بيۋدجەتتىك راسىمدەردى وڭايلاتۋ؛

- بيۋدجەت ساياساتىنىڭ شەكتى پارامەترلەرى تۋرالى نەگىز قالاۋشى نورمالاردى بەكىتۋ؛

- ۇلتتىق قور قاراجاتى ەسەبىنەن قارجىلاندىرىلاتىن شىعىستاردىڭ نىسانالى ماقساتىن ايقىنداۋ؛

- بيۋدجەت قاراجاتىن باسقارۋدان ناتيجەلەردى باسقارۋعا كوشۋ جانە ت. ب.

بيۋدجەت پروتسەسىن بيۋروكراتيادان ارىلتۋ جونىندەگى زاڭ جوباسىنىڭ ەرەجەلەرىن جاڭا بيۋدجەت كودەكسىنە ينتەگراتسيالاۋ ۇسىنىلادى.

ءمينيستردىڭ مالىمەتىنە قاراعاندا، بيزنەسكە قويىلاتىن رەتتەۋشى اكتىلەر قايتا قارالىپ جاتىر.

«بۇگىنگى كۇنى كاسىپكەرلىك سۋبەكتىلەرى قىزمەتىنىڭ 29 سالاسىنان مەملەكەتتىك ورگاندار 6 سالادا تالداۋدى اياقتادى.

تالداۋ قورىتىندىلارى بويىنشا 6 سالادا 21 مىڭنان استام تالاپ انىقتالدى، ولاردىڭ شامامەن 16,5 پروتسەنتى جاڭا رەتتەۋشىلىك ساياساتتىڭ بازالىق شارتتارىنا سايكەس كەلمەيدى جانە ولاردىڭ كۇشى جويىلادى نەمەسە قايتا قارالاتىن بولادى.

قالعان سالالار بويىنشا جۇمىس كەستەگە سايكەس جالعاسۋدا جانە 2023 -جىلدىڭ سوڭىنا دەيىن اياقتالادى»، - دەدى ۇلتتىق ەكونوميكا ءمينيسترى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى