بولاشاق ستۋدەنتتىڭ وقۋ اقىسىن الدىن الا جيناقتاۋ جۇيەسى قۇرىلادى
ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك وسىنداي جوسپارى بار ەكەنىن ايتتى.
«ءبىلىم الۋعا قاراجات جيناقتاۋ قۇرالى رەتىندە وقۋ- اعارتۋ مينيسترلىگىمەن بىرلەسە وتىرىپ، بالالار مەن ستۋدەنتتەردىڭ جاسىنا قاراي ءبىلىم بەرۋگە قارجى جيناقتاۋدىڭ مەملەكەتتىك جۇيەسىن پايدالانۋ ماسەلەلەرىن پىسىقتاپ جاتىرمىز. بۇل شارۋانى جيناقتاۋشى 18 جاسقا، ياعني مەكتەپ بىتىرگەنگە دەيىن وقۋ- اعارتۋ مينيسترلىگى، مەكتەپ بىتىرگەننەن كەيىن عىلىم جانە جوعارى ءبىلىم مينيسترلىگى رەتتەيدى»، - دەپ ءتۇسىندىردى ۆەدومستۆو باسشىسى.
اتالعان ەسكروۋ- شوت ارقىلى ۆاۋچەرلىك جۇيەگە كوشۋ كوزدەلىپ وتىر.
«سارالانعان گرانتتار، ياعني وقۋ اقىسىنىڭ % 30- ىنان % 100- ىنا دەيىن بەرۋ ۇسىنىلادى. سارالانعان گرانتتى ەنگىزۋ تاسىلدەرى پىسىقتالۋدا. الداعى ۋاقىتتا ءتارتىبىن تانىستىرامىز»، - دەدى مينيستر.
اۆتور
ەسىمجان ناقتىباي
