اتىراۋ جانە ماڭعىستاۋدى كوكجيدە قورىنان سۋمەن قامتۋدى جەدەلدەتۋ قاجەت - ءاليحان سمايىلوۆ

بۇگىن جۇمىس ساپارىمەن اتىراۋ وبلىسىنا بارعان ق ر پرەمەر- ءمينيسترى ءاليحان سمايىلوۆ ءوڭىردىڭ كەشەندى الەۋمەتتىك- ەكونوميكالىق دامۋ ماسەلەلەرى جونىندە كەڭەستە وسىنداي تاپسىرما بەردى. بۇل تۋرالى قازاقپارات ۇكىمەتتىڭ رەسمي سايتىنا سىلتەمە جاساپ حابارلايدى.

كەڭەس بارىسىندا ۇكىمەت باسشىسى بيىلعى 7 ايدىڭ قورىتىندىسى بويىنشا وڭىردە نەگىزگى ەكونوميكالىق كورسەتكىشتەردىڭ وسكەنىن ايتتى. اتاپ ايتقاندا، ونەركاسىپ ءوندىرىسىنىڭ كولەمى %1,2 عا، ال قۇرىلىس سالاسى %15 عا ارتقان.

پرەمەر- مينيستر اتاپ وتكەندەي، «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسى اياسىندا اتىراۋ وبلىسىنداعى 29 اۋىلدىق ەلدى مەكەنىندە جالپى سوماسى 11 ميلليارد تەڭگەدەن اساتىن ينجەنەرلىك ينفراقۇرىلىم مەن كۇرە جولداردى جاڭعىرتۋ بويىنشا 41 جوبا ىسكە اسىرىلىپ جاتىر.

«وبلىس اكىمدىگى ءوڭىردىڭ دامۋى مەن الەۋمەتتىك ماسەلەلەرىن شەشۋگە بولىنگەن قاراجاتتى ءتيىمدى جانە ۇتىمدى يگەرۋى قاجەت»، - دەدى ءاليحان سمايىلوۆ.

ازىق- تۇلىك تاپشىلىعى مەن ونىڭ باعاسىنىڭ نەگىزسىز وسۋىنە جول بەرمەۋ جونىندەگى جۇمىستى جالعاستىرۋعا نازار اۋدارىلدى. بۇل باعىتتا اكىمدىك ساۋدا جەلىلەرىمەن جۇمىس ىستەۋ كەزىندە «اينالىم سحەماسىن» بەلسەندى تۇردە قولدانىپ، باسقا وڭىرلەردەن ەرتە پىسەتىن كوكونىستەردى جەتكىزۋگە تىكەلەي شارتتار جاساسۋى قاجەت.

ۇكىمەت باسشىسىنىڭ ايتۋىنشا، وبلىس اكىمدىگىنىڭ تاعى ءبىر باستى مىندەتى - وڭىرلىك ەكونوميكانى ءارتاراپتاندىرۋ. بۇل رەتتە 2024 -جىلعا دەيىن 406 ميلليارد تەڭگەگە 260 جاڭا ينۆەستيتسيالىق جوبانى ىسكە قوسۋ جوسپارلانىپ وتىر. 2,7 تريلليون تەڭگەگە تاعى 114 جوبا ازىرلەنىپ جاتىر.

«ولاردى ىسكە اسىرۋ ناتيجەسىندە قوسىمشا جۇمىس ورىندارى پايدا بولادى. بارلىق جوسپارلانعان جوبالاردى ۋاقتىلى ىسكە قوسىپ، جاڭا جوبالاردى ساپالى پىسىقتاۋ قاجەت»، - دەدى پرەمەر- مينيستر.

كەڭەس قورىتىندىسى بويىنشا ۇكىمەت باسشىسى تاعى دا ءبىرقاتار تاپسىرما بەردى:

- اتىراۋ جانە ماڭعىستاۋ وبلىستارىن كوكجيدە جەراستى تۇشى سۋ قورىنان سۋمەن جابدىقتاۋ جوباسىن ىسكە اسىرۋعا تەحنيكالىق قۇجاتتاما دايىنداۋدى جەدەلدەتۋ؛

- اتىراۋ قالاسىنىڭ وڭ جاعالاۋىنداعى كارىزدىك جەلىلەردى رەكونسترۋكتسيالاۋ جوباسىن تۇزەتۋدى جەدەلدەتۋ؛

- «اتىراۋ - رەسەي فەدەراتسياسىنىڭ شەكاراسى» اۆتوجولىن رەكونسترۋكتسيالاۋ جونىندەگى جۇمىستى جەدەلدەتۋ؛

- وڭىردە جول جوندەۋ جۇمىستارىنا بيتۋم مەن باسقا دا ماتەريالداردى قاجەتتى كولەمدە جەتكىزۋ ماسەلەسىن پىسىقتاۋ؛

- بالالارعا مەكتەپكە دەيىنگى تاربيە بەرۋ، ءۇش اۋىسىممەن وقىتاتىن مەكتەپتەردى ازايتۋ جانە مەكتەپتەردە جاڭا ورىندار قۇرۋ بويىنشا جۇمىستى جانداندىرۋ؛

- اتىراۋدا جاڭا ونكولوگيالىق ديسپانسەر اشۋ ماسەلەسىن قاراۋ جانە اتىراۋ وبلىستىق پەريناتالدىق ورتالىعىنا كۇردەلى جوندەۋ جۇرگىزۋ، تولىق جاراقتاندىرۋ ماسەلەسىن پىسىقتاۋ؛

- «ت « - نىڭ وندىرىستىك وبەكتىلەرىنەن بوساتىلاتىن قىزمەتكەرلەردى جۇمىسقا ورنالاستىرۋ بويىنشا شارالار قابىلداۋ.

«كەشە مەملەكەت باسشىسى قازاقستان حالقىنا جولداۋىندا وڭىرلەردىڭ دە، جالپى ەلدىڭ دە الەۋمەتتىك- ەكونوميكالىق دامۋىنا ەلەۋلى سەرپىن بەرەتىن ناقتى قادامداردى بەلگىلەدى. قويىلعان مىندەتتەردى ورىنداۋ ءۇشىن بارلىق كۇش- جىگەرىمىزدى سالۋىمىز كەرەك، سونداي- اق قوعام كوتەرەتىن پروبلەمالىق ماسەلەلەرگە جەدەل دەن قويىپ وتىرۋ كەرەك»، - دەپ تۇيىندەدى ءاليحان سمايىلوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى