ەردوعان: تۇركياعا جاڭا كونستيتۋتسيا كەرەك

بۇل تۋرالى بەيسەنبى كۇنى تۇركيانىڭ جوعارعى سوتىندا پرەزيدەنت رەجەپ تايىپ ەردوعان مالىمدەدى.

پرەزيدەنت تۇركيانىڭ قازىرگى كونستيتۋتسياسى 1982 -جىلى قابىلدانعانىن جانە ءبىرقاتار تۇزەتۋ ەنگىزىلگەنىنە قاراماستان، جاڭا زاماننىڭ سىن- قاتەرلەرىنە ساي كەلمەيتىنىن اتاپ ءوتتى.

تۇركيا باسشىسى بيلىكتەگى ادىلەت جانە دامۋ پارتياسى بىلتىر ەلگە جاڭا نەگىزگى زاڭىنىڭ جوباسىن دايىنداعانىن، ءبىراق بۇل باستاما باسقا ساياسي كۇشتەردەن ءتيىستى قولداۋ تاپپاعانىن ەسكە سالدى.

«ءبىز بۇل وزەكتى ماسەلەنى قايتا كوتەرەمىز»، دەپ سەندىردى ساياساتكەر.

پرەزيدەنت ەردوعان تۇركيانىڭ ءبىرقاتار ەلدە قازىردىڭ وزىندە قولدانىلىپ جاتقان «قۇقىقتىق قورعاۋدى ساقتاندىرۋ» جۇيەسىن ەنگىزۋدى جوسپارلاپ وتىرعانىن دا ايتتى.

«بەلگىلى ءبىر توپتار تۇركيانىڭ سوت جۇيەسىن قىلمىستىق ۇيىمداردىڭ قۇرالىنا اينالدىرۋعا تىرىسۋدا. ءبىز بۇعان جول بەرمەيمىز!»، دەدى ول.

جانبولات كەنجەعۇل

Egemen.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى