قازاقستاندىق سپورتشى كانوەدان الەم چەمپيونى اتاندى
سپورتشىنىڭ اناسى ءارى جەكە باپكەرى ەلەنا بروۆكوۆا ءمالىم ەتكەنىندەي، ماريا بۇگىن ءبىر ادامدىق كانوەدا 1 مىڭ مەتر قاشىقتىقتا توپ جارعان.
«قىزىم بۇعان دەيىن دە كوپتەگەن جارىستاردا جۇلدە الىپ ءجۇردى. جاس وسپىرىمدەر جانە 21، 22 جاستاعىلار اراسىندا قازاقستاننىڭ بىرنەشە دۇركىن چەمپيونى اتاندى. بيىل ناۋرىز ايىندا تايلاندتا وتكەن ازيا بىرىنشىلىگىندە ءبىر ادامدىق كانوەدان 500 مەتر قاشىقتىقتا كۇمىس جۇلدەگە يە بولدى. مىنە، ەندى قازاقستان تاريحىندا قىزدار اراسىندا العاش رەت الەم چەمپيوناتىنىڭ التىنىن الىپ وتىر. بۇل - ۇلكەن تابىس»، دەدى قازاقپارات تىلشىسىنە ەلەنا بروۆكوۆا.
