ا ق ش- تا كوروناۆيرۋس ۇدەپ بارادى

ءبىراق ەكى جىلعى پاندەميادان ابدەن قاجىعان حالىق پەن ا ق ش بيلىگىنىڭ بۇعان قازىر باس اۋىرتقىسى جوق. سالدارىنان ەڭبەك نارىعى دا السىرەپ، ەكونوميكاعا كەرى اسەرىن تيگىزۋدە.

نۇربەك بەكەن، ءتىلشى:

- كوۆيدتىڭ بەتى قايتتى دەگەنمەن، كەسىرى جۇرتقا ءالى ءتيىپ جاتىر. The Guardianنىڭ مالىمەتىنشە بۇعان جۇرتتىڭ ەكپەدەن باس تارتۋىنان باستاپ، قاراپايىم سانيتارلىق تالاپتىڭ ساقتالماۋى سەبەپ. ۆيدەو: ا ق ش شتاتتارىنىڭ كوبىسى اقپاننان باستاپ شەكتەۋ شارالارىنان باس تارتقان. سالدارىنان يممۋنيتەتى ءالسىز جانە ەگدە ادامداردىڭ اجال قۇشۋى ازايماي تۇر. روككي تۆايمان، پاندەمياعا قارسى كۇرەس توبىنىڭ بەلسەندىسى. ونىڭ ايتۋىنشا شەكتەۋدى بوساڭسىتقاننىڭ كەسىرىنەن ەگدە جاسمتاعى ەل تۇرعىندارى زارداپ شەگەدى.

روككي تۆايمان، پاندەميامەن كۇرەس توبىنىڭ بەلسەندىسى:

- پاندەميا اياقتالدى دەپ ايتۋعا ءالى ەرتە. ءبىز جىل سايىن ۆاكسينا الۋىمىز كەرەك. ىندەتپەن كۇرەسۋ ءۇشىن عىلىمي تەحنولوگيالىق مۇمكىندىكتەرىمىزدى پايدالانىپ، ارنايى ۆاكتسينالار ءوندىرۋىمىز كەرەك.

ءتىپتى ۆيسكونسين ۋنيۆەرسيتەتى جۇرگىزگەن زەرتتەۋلەرگە قاراعاندا كوۆيد جۇقتىرعانداردىڭ ەموتسيالىق، پسيحيكالىق، ۋايىم مەن سارساڭعا سالىنعاننىڭ سالدارىنان كوۆيدتەن قۇلان تازا ايىعۋ نەعايبىل ەكەن. سوڭعى ەكى جىلدا ىندەتتىڭ ىلمەگىنە ىلىككەندەردىڭ كەسىرىنەن ەكونوميكا دا ىركىلىس پايدا بولدى. اسىرەسە الىسقا جۇك تاسيتىندار قاتارى كۇرت كەمىدى.

ا ق ش- تا 16 ميلليون ەڭبەككە جارامدى ادامنىڭ ءدال وسى كەسەلدىڭ كەسىرىنەن ءالى قۇتىلا الماي جۇرگەنىن ەسكەرسەك، ولاردىڭ جىل سايىن جوعالتاتىن جالاقىسىنىڭ كولەمى 200 ميلليارد دوللاردان اسادى ەكەن. دەمەك كوۆيدتتىڭ سوزىلمالى دەرتكە اينالۋى ەل ەكونوميكاسىنا دا كەسىرىن تيگىزىپ جاتىر دەگەن ءسوز. بيىل شىلدە ايىنىڭ وزىندە 4 ميلليون تۇرعىن سوزىلمالى دەرتتىڭ كەسىرىنەن كۇندەلىكتى جۇمىسىنان ايىرىلعان. ال بۇل دەگەنىڭىز قازىرگى ا ق ش- تاعى جۇمىسشى تابىنىڭ 2,4 پروتسەنتى. كۇن سايىن كوۆيدتەن ەلدە 500 ادام قايتىس بولسا دا، ا ق ش ۇكىمەتى پاندەميادان تولىق ارىلدىق دەپ ۆاكسينا الۋدى توقتاتتى. تەگىن سىناما بەرۋدى قويدى. شەكتەۋ شارالارىن جەڭىلدەتتى. ال سوڭعى مالىمەت بويىنشا ا ق ش- تا كوروناۆيرۋستان 1 ميلليوننان استام ادام قازا تاپقان. ىندەت جۇقتىرعاندار سانى 94 ميللونعا جۋىقتاپ قالدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى