فۋتبولشى تىرناعىن بوياعانى ءۇشىن كلۋبتان قۋىلدى

بۇعان سەبەپ - فۋتبولشىنىڭ قىزعىلت ءتۇستى مانيكيۋرى، - دەپ حابارلايدى Massaget.kz تىلشىسى كوماندانىڭ ۆكونتاكتە جەلىسىندەگى رەسمي پاراقشاسىنا سىلتەمە جاساپ.

«بىرنەشە كۇننەن بەرى يركۋتسك تۇرعىندارى بۇل جاعدايدى تالقىلاپ جاتىر. قاقپاشى نيكيتا لوبۋسوۆ جاتتىعۋلار مەن ماتچتاردان شەتتەتىلدى. بۇعان ويىنشىنىڭ تىرناقتارىن قىزعىلت تۇسكە بوياعانى سەبەپ بولدى.

ءيا، كلۋب باسشىلىعى ويىنشىعا ۋلتيماتۋم قويدى.

نيكيتا لوبۋسوۆ ويناعان جانە جاتتىققان كاسىبي كوماندانىڭ ويىنشىلاردى تاربيەلەۋدە وزىندىك قاعيداسى بار. بىزدە 300-گە جۋىق بالا جاتتىعادى. ال ەرەسەك فۋتبولشىلار ولارعا ويىنىمەن عانا ەمەس، ستاديوننان تىس ءجۇرىس-تۇرىستارىمەن دە ۇلگى بولادى»، - دەلىنگەن حابارلامادا.

سونىمەن قاتار، كلۋب سپورتشىعا بيىلعى ماۋسىمدا ءوزىن كورسەتۋگە بىرنەشە مۇمكىندىك بەرىلگەنىن ايتتى.

«فۋتبول ارقىلى ءبىز ۇلداردى ەر-ازامات ەتىپ تاربيەلەيمىز. جاتتىقتىرۋشىلار ەڭبەكسۇيگىشتىك، ءوز ءسوزى مەن ءىس-ارەكەتىنە جاۋاپكەرشىلىكپەن قاراي ءبىلۋ سياقتى ماڭىزدى قاسيەتتەردى ۇيرەتەدى. بۇل - قوعامدا كوپ ادامعا جەتىسپەيتىن نارسە.

ويىنشىلار، ەڭ الدىمەن، ءوز ويىن قالاي جەتكىزۋدى ەمەس، كومانداعا قالاي جەڭىس اكەلەتىنىن ويلاۋى كەرەك. سپورتشى ەرەكشە كورىنگىسى كەلسە، ونىڭ شەگى بار.

بيىلعى ماۋسىمدا نيكيتاعا ءوزىن كورسەتۋگە بىرنەشە مۇمكىندىك بەرىلدى. ول بىرنەشە ماتچكە قاتىستى. الايدا نەگىزگى قۇرامداعى ورىن ءۇشىن باسەكەدە جەڭىسكە جەتە المادى.

نيكيتاعا فۋتبولدا ءوزىنىڭ جاقسى قىرلارىن كورسەتىپ، جاڭا كلۋب تابۋىن تىلەيمىز!»، - دەلىنگەن كلۋب حابارلاماسىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى