اۋە شابۋىلىنان قالاي قورعانامىز؟

دەمەك، بىزگە دە قورعانىسىمىزدى مىعىمداپ، شەكارانى شەگەندەۋ ارتىق بولمايدى. جالپى قازىرگى قارۋلى ۇرىستاردا اۋە شابۋىلى بەلسەندى قولدانىلىپ جاتقانىن كورىپ وتىرمىز. وسى ورايدا، ءبىزدىڭ ساربازدار كوكتەن كەلەتىن قاۋىپتى قالاي تويتارادى؟ قولداعى قارۋ قازاقستاندى قورعاۋعا جاراي ما؟

كوز ىلەسپەس جىلدام اسكەري ۇشاقتار مەن جويقىن تىكۇشاق جانە گيپەردىبىستى زىمىراندار. دامىعان ەلدەردىڭ اسكەري الەۋەتى - وسى. مۇنى سوڭعى قاقتىعىستار دا ءىس جۇزىندە كورسەتتى. ال ءبىزدىڭ اسكەر مۇنداي قاۋىپكە قارسى تۇرا الا ما؟

ءدال قازىر قازاقستان اسپانىن رەسەيدىڭ س-75، س-125، س-300 جانە Бук-М2 سىندى قارۋلارى قورعايدى. ودان بولەك، قىتايدىڭ پيلوتسىز ۇشاقتارى مەن فرانسيادان كەلگەن راديولوكاتسيالىق ستانسيا دا بار. ماسەلەن، ەلوردانىڭ ىرگەسىندە كوكتەن كەلەتىن قاۋىپتى تويتارۋعا ارنالعان اسكەري بازا تاۋلىك بويى قالتقىسىز كۇزەتتە تۇرادى.

- دروندار مەن پيلوتسىز ۇشاق. قازىر دامىعان مەملەكەتتەردىڭ بارلىعى اسكەري سالاسىن وسى قارۋعا باعىتتاپ جاتىر. اسكەري قاقتىعىستاردا دا ءجيى قولدانىلىپ جاتقانىن كورىپ ءجۇرمىز. ءبىز ءدال قازىر 5 Н 66 М بارلاۋشى ستانسياسىنىڭ جانىندا تۇرمىز. جاڭا ايتقان درونداردى ءدال وسى بارلاۋشى ستانسيا 24 ساعات بويى باقىلايدى. مۇندا كوكتەن كەلەر قاۋىپتى بارلاۋشى ءۇش تەحنيكا بار. ولار ءبىر- بىرىمەن تىكەلەي اقپارات الماسا الادى. سونىڭ ارقاسىندا جاۋ كوورديناتىن تابۋ قيىندىق تۋدىرمايدى دەيدى ماماندار. ەگەر قاۋىپ بايقالسا س-300 زەنيتتىك زىمىراندارىنا بەلگى بەرىلەدى. بۇل قارۋ 75 شاقىرىمداعىنى قاعىپ تۇسىرەدى.

نۇرسۇلتان قۋاندىقوۆ، 44485 اسكەري ءبولىمىنىڭ كاپيتانى:

- راديولوكاتورلى ستانسيالار بار. ولار П-18, РЛС-НУР دەگەن سياقتى. ولار بىزگە نىسانانى تاۋىپ، نىسانانى كورسەتەدى. ءبىزدىڭ مىندەتىمىز، نىسانىنىڭ كوورديناتى بويىنشا مىنا تۇرعان قوندىرعىلار ارقىلى سولاردىڭ كوزىن جويۋ. بارلاۋ قۇرالدارى РПН ەكى ءجۇز شاقىرىمعا دەيىنگى نىسانانى كۇزەتە الادى. ال РЛС-НУР دەگەنىمىز 400 شاقىرىمعا دەيىنگى نىسانىن كۇزەتىپ كوورديناتىن بەرە الادى. بۇل راكەتالارىمىز نىساعا بارىپ، وعان جەتپەي جارىلىپ، وسكولوكتارى شاشىلىپ نىسانى جويىپ جىبەرە الادى.

الايدا اسپانداعى ايقاس تەك تەحنيكاعا بايلانىستى ەمەس. مۇندا ادامي فاكتور دا ۇلكەن ءرول اتقارادى. سول ءۇشىن ساربازدار كۇن سايىن جاتتىعۋ جاسايدى. ءبىرى زەنيتتىك زىمىراندارمەن جۇمىس ىستەسە، ءبىرى بارلاۋ ءىسىن مەڭگەرەدى.

ءالي مۇحاممەدجان، سارباز:

- ءبىرىنشى زەنيتتىك زىمىراندىق ديۆيزيونعا ءتۇسىپ، م ۆ و وپەراتورى اتاندىم. ونداعى مىندەتىم، ينديكاتورعا قاراپ، اسپانداعى ۇشاتىن وبەكتىلەردىڭ ءبارىن نىساناعا تيگىزىپ، سولاردىڭ بارىنە قاراپ باقىلاپ وتىرامىن.

كوپ ۇزاماي ەلگە تۇركيانىڭ انكا پيلوتسىز ۇشاقتارى جەتكىزىلەدى. بۇل قارۋ ءوزىنىڭ قانشالىقتى مىقتى ەكەنىن تالاي كورسەتكەن دەيدى ماماندار. انكامەن قوسا جاقىن ارادا تور كەشەنى دە جەتكىزىلەدى. بۇل اسىرەسە جاۋىنگەرلىك دروندارعا قارسى تۇرادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى