اۋاداعى جاعىمسىز ءيىس: اتىراۋ مۇناي وڭدەۋ زاۋىتىندا تەكسەرۋ باستالدى
اتىراۋ قالاسىنىڭ تۇرعىندارى الەۋمەتتىك جەلىدە تۇنگى مەزگىلدە جاعىمسىز ءيىستىڭ شىعاتىنى تۋرالى جازىپ جاتىر. تۇرعىنداردىڭ پىكىرىنشە، كوپشىلىگىندە باس اۋرۋى، السىزدىك، ءتىپتى جۇرەكتىڭ اينىعانى بايقالعان.
ازاماتتاردىڭ وسىنداي شاعىمىنا بايلانىستى وبلىستىق ەكولوگيا دەپارتامەنتى اتىراۋ مۇناي وڭدەۋ زاۋىتىن جوسپاردان تىس تەكسەرۋدى باستادى.
«ءبىزدىڭ دەپارتامەنتتىڭ قىزمەتكەرلەرى تۇرعىنداردىڭ شاعىمىنا بايلانىستى اتىراۋ مۇناي وڭدەۋ زاۋىتىندا جوسپاردان تىس تەكسەرۋدى باستادى. ويتكەنى، تۇرعىندار مۇناي ونىمدەرىنىڭ يىسىنە شاعىمداندى. بۇدان باسقا، زەرتحانا قىزمەتكەرلەرى جەلدىڭ باعىتى بويىنشا اتموسفەرالىق اۋادان سىناما الادى. قازىر جەل وڭتۇستىك- باتىستان، ياعني زاۋىت ورنالاسقان باعىتتان سوعىپ تۇر»، - دەيدى اتىراۋ وبلىسى بويىنشا ەكولوگيا دەپارتامەنتىنىڭ باسشىسى الىبەك بەكمۇحامەتوۆ.
بۇعان دەيىن اتىراۋدا ءشوپ ورتەنىپ، اۋادا كومىرتەگى توتىعى شەكتى مولشەردەن اسىپ كەتكەنىن جازعان ەدىك.
رەداكتور
گۇلميرا الياكپاروۆا
