ون سەگىزگە تولماعان بارلىق بالانىڭ اتىنا ارنايى شوت قاي جىلى اشىلادى
بۇل جايىندا ول Facebook پاراقشاسىنداعى پوستىنا جازىلعان پىكىرلەر اراسىندا اتاپ ءوتتى.
«پىكىرلەردە قوسىمشا ساۋالدارعا جاۋاپ بەرەيىن. بۇل نورما كۇشىنە ەنگەن كەزدە، ياعني 2024-جىلى 18 جاسقا تولماعان بارلىق بالانىڭ اتىنا ارناۋلى شوت اشىلادى. ولار كامەلەتتىك جاسقا تولعانشا قارجى ءتۇسىپ تۇرادى. شوتتارداعى قاراجات شەتەل ۆاليۋتاسىندا بولاتىنىن اتاپ وتكەن ءجون. سونىمەن قاتار جيناق بويىنشا پايىزدار ەسەپتەلەدى. بۇل شارالار شوتتاعى قارجىنى ينفلياتسيا قورعاۋعا مۇمكىندىك بەرەدى» دەپ جازدى پرەزيدەنتتىڭ باسپا ءسوز حاتشىسى.
ەسكە سالا كەتەيىك، بۇعان دەيىن رۋسلان جەلدىباي بۇگىنگى پرەزيدەنت جولداۋىنىڭ كەي وزەكتى تۇستارىن ءتۇسىندىرىپ، ءار بالا 18 جاسقا تولعانشا ەسەپشوتىندا كەمى 3 مىڭ دوللار جينالاتىنىن ايتقان ەدى.
«پرەزيدەنتتىڭ باستاماسىمەن بالالار جىلىنىڭ اياسىندا «ۇلتتىق قور - بالالارعا» اتتى جاڭا باعدارلاما ىسكە قوسىلادى. وعان سايكەس، 2024-جىلدان باستاپ ۇلتتىق قوردىڭ جىل سايىنعى ينۆەستيتسيالىق تابىسىنىڭ 50 پايىزى بالالار 18 جاسقا تولعانعا دەيىن ولاردىڭ ارناۋلى جيناقتاۋشى ەسەپشوتىنا اۋدارىلادى. جيناقتالعان قارجى بالالار كامەلەت جاسىنا تولعاننان كەيىن ولاردىڭ باسپانا نەمەسە ءبىلىم الۋىنا جۇمسالادى»، - دەدى رۋسلان جەلدىباي.
