استىق پەن ۇن، مال ەكسپورتىنا شەكتەۋلەر الىنىپ تاستالدى

وندا استىق پەن ۇندى ەكسپورتتاۋعا شەكتەۋلەردى الىپ تاستاۋ جانە ءىرى قارا مەن ۇساق مالدى ەكسپورتتاۋعا كۆوتا بەلگىلەۋ جونىندە شەشىمدەر قابىلداندى.

بۇل تۋرالى قازاقپارات ۇكىمەتتىڭ رەسمي سايتىنا سىلتەمە جاساپ حابارلايدى.

ۆ ا ك وتىرىسىندا ايتىلعان اۋىل شارۋاشىلىعى مينيسترلىگىنىڭ مالىمەتىنشە، قازاقستاندا ءداندى داقىلدار جاقسى جينالادى دەپ كۇتىلۋدە. بيىل 13 ميلليون توننادان استام بيداي جيناۋ جوسپارلانعان، بۇل وتكەن جىلعى كورسەتكىشتەن %12 عا ارتىق. ىشكى تۇتىنۋ ءۇشىن شامامەن 6,5 ميلليون توننا قاجەت. مۇددەلى مەملەكەتتىك ورگانداردىڭ، «اتامەكەن» ق ر ۇ ك پ، استىق وداعى، استىق وڭدەۋشىلەر وداعى وكىلدەرىمەن، «شوپان-اتا» ۇلتتىق اگرو-قوزعالىسىنىڭ باسشىسىمەن بيداي مەن مەسليندى، بيداي ۇنىن ەكسپورتتاۋعا ساندىق شەكتەۋلەردى (كۆوتالاردى) الىپ تاستاۋدىڭ ورىندىلىعىن جان- جاقتى تالقىلاۋ قورىتىندىسى بويىنشا، سونداي-اق ا ش م بولجامى نەگىزىندە استىق پەن ۇن ەكسپورتتاۋعا شەكتەۋلەردى 2022 -جىلدىڭ 10-قىركۇيەگىنەن باستاپ الىپ تاستاۋ تۋرالى شەشىم قابىلداندى.

ەسكە سالا كەتەيىك، بۇل شەكتەۋ اۋىل شارۋاشىلىعى مينيسترلىگىنىڭ بۇيرىعىمەن 2022 -جىلعى 8-شىلدە مەن 30-قىركۇيەك ارالىعىنا ەنگىزىلگەن بولاتىن.

اۋىل شارۋاشىلىعى مينيسترلىگىنە استىق ەكسپورتىنا مونيتورينگ جۇرگىزۋ جانە استىق پەن ۇن ەكسپورتىن ودان ءارى رەتتەۋ ماسەلەسىن پىسىقتاۋ تاپسىرىلدى.

سونداي-اق وتىرىس بارىسىندا انالىق مال باسىن قوسپاعاندا، ءىرى قارا جانە ۇساق قارا مالدى ەكسپورتتاۋعا ساندىق شەكتەۋ (كۆوتالار) بەلگىلەۋ ماقۇلداندى.

ستاتيستيكاعا سۇيەنسەك، 2022 -جىلعى 1-تامىزداعى جاعداي بويىنشا، ءىرى قارا مال سانى - 9,4 ميلليون باس، ونىڭ ىشىندە 4,5 ميلليون سيىر، 3,2 ميلليون ءتول بار.

قوشقار ەكسپورتتاۋعا 60 مىڭ باس نەمەسە جالپى مال باسىنىڭ %9 ى، سونداي-اق 120 مىڭ باس توقتى نەمەسە جالپى مال باسىنىڭ %10 ى مولشەرىندە كۆوتا بەلگىلەۋ تۋرالى شەشىم قابىلداندى.

2022 -جىلعى 21-قاڭتار مەن 21-شىلدە ارالىعىندا ءىرى قارا جانە ۇساق مالدى ەكسپورتتاۋعا تىيىم سالىنعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى