ديماش لاتىن امەريكاسىنداعى تىڭدارماندارىنىڭ ارقاسىندا «ورمان قورعاۋشىسى» اتانادى
Dears-تىڭ ماقساتى - ايماقتا مىڭ اعاش وتىرعىزۋ، دەپ حابارلايدى قازاقپارات ءانشىنىڭ رەسمي سايتىنا سىلتەمە جاساپ.
مامىر ايىندا چيلي، ارگەنتينا، بوليۆيا، پەرۋ، مەكسيكا، كوستا- ريكا، ۆەنەسۋەلا، كولۋمبيا جانە جاپونيادان كەلگەن ديماشتىڭ جانكۇيەرلەرىنەن تۇراتىن قازاقستاندىق ورىنداۋشى Dimash Latin Dears فان-كلۋبى «پاتاگونياداعى دوستار قاۋىمداستىعىمەن» بىرلەسىپ، ارگەنتينادا ورمانداردى قالپىنا كەلتىرۋ بويىنشا ناۋقان ۇيىمداستىردى.
بۇل قاۋىمداستىق وسى اۋداندا تۇقىم جيناۋمەن اينالىسادى، ولاردى وسىرەدى، سودان كەيىن مامىردا نەمەسە قىركۇيەكتە اعاش وتىرعىزادى.
ورماندى قالپىنا كەلتىرۋ ناۋقانىن باستاۋ ءۇشىن Dimash Latin Dears قاراجات جينادى. جينالعان اقشاعا فان-كلۋب مامىر ايىندا Dears وتىرعىزعان «پاتاگونياداعى دوستار قاۋىمداستىعىنان» 382 اعاش ساتىپ الدى.
كەيىن فان-كلۋب ەكىنشى اكسيانى باستادى، ونىڭ باستى ماقساتى - 1000 اعاش وتىرعىزۋ بولدى. بۇل جولى ناۋقانعا ديماشتىڭ بۇكىل الەمدەگى جانكۇيەرلەرى ءوز ەركىمەن قاتىستى.
قازىرگى ۋاقىتتا Dears ماقساتىنا جەتۋ ءۇشىن 200-گە جۋىق اعاش وتىرعىزۋ قالدى، سودان كەيىن ديماشتىڭ اتىنا «ورمان ساقتاۋشىسى» سەرتيفيكاتى بەرىلەدى.
«پاتاگونيا دوستارى قاۋىمداستىعى» رەسمي سايتىندا Dears وزدەرى قالاعان اعاشتى ساتىپ الۋى (وسىلاي سىيعا تارتۋ) ءۇشىن ارنايى سىلتەمە جاسادى.
رەداكتور جانات قاپالبايەۆا
