قازاقستاندا شەكارادان زاڭسىز ءوتتى دەگەن كۇدىكتى ازامات ۇستالدى
بۇل اقپاراتتى قىرعىزستاننىڭ سىرتقى ىستەر مينيسترلىگى راستادى.
مەكەمە مالىمەتىنشە، قامالعان ادامنىڭ ىستىقكول وبلىسىنىڭ ءتۇپ اۋدانىندا مال جايىپ جۇرگەن تۇرعىن ەكەنى انىقتالعان. ول الماتى وبلىسى قاسكەلەڭ قالاسىنداعى 1№ ۋاقىتشا تەرگەۋ اباقتىسىنا جابىلعان.
«قازىر الماتىداعى باس كونسۋلدىق ت. ا. و. اتتى قىرعىز ازاماتىنا كومەك كورسەتىپ جاتىر. بۇل ماسەلە سىرتقى ىستەر مينيسترلىگىنىڭ باقىلاۋىندا»، - دەپ جازىلعان حابارلامادا.
بيىل قاڭتاردا قازاقستاندا شەكارادان زاڭسىز ءوتتى دەگەن كۇدىكپەن قىرعىزستاننىڭ 22 جاستاعى ازاماتى سىيمىك ومۇربەك ۋۋلۋ ۇستالعان. اقپاندا ومۇربەك ۋۋلۋنا ايىپپۇل سالىنىپ، قازاقستان ايماعىنا بەس جىلعا كىرۋگە تىيىم سالۋ جونىندە شەشىم شىققان.
«ازاتتىق»
