تۇركيادا رەسەيلىك ايەلگە تاڭعالارلىق شابۋىل جاسالدى

جامباسى مەن قولى زارداپ شەكتى.

وقيعا وتكەن اپتادا انتاليانىڭ كۋرورتتىق پروۆينتسياسىندا بولدى، - دەپ حابارلايدى Tourprom سايتى.

رەسەيدىڭ 64 جاستاعى ازاماتى جەرورتا تەڭىزىندە شومىلدى. بۇل تۋرالى Sozcu باسىلىمى جازادى. تاسباقا اياق استىنان ەكى رەت شابۋىل جاسايدى. بىرىنشىسىندە ايەل جامبىسىنىڭ اۋىرعانىن سەزەدى. ەكىنشىسىندە تاسباقا ونىڭ قولىن تىستەپ الادى.

جاعالاۋدا كەزەكشىلىكتە جۇرگەن قۇتقارۋشى ورىس ايەلىنە كومەكتەستى. الايدا سول كەزدە تاسباقا ونىڭ يىعىن تىستەپ ۇلگەرەدى. كوپ ۇزاماي جانۋار شەگىنەدى. قۇتقارۋشىلار زارداپ شەككەن تۋريسكە الدىمەن ءوزى تۇرعان قوناقۇيگە، سودان كەيىن اۋرۋحاناعا جەتۋگە كومەكتەستى. دارىگەرلەر جامباستا اۋىر گەماتومالاردى جانە قاتتى تىستەلگەن ىزدەردى تىركەدى.

«مەن ءبىراز ۋاقىت ءجۇزىپ، جاعاعا ورالدىم. جاعاجايدان 4-5 مەتر قاشىقتىقتا بولعاندا، سۋدا شالقالاي جاتقىم كەلدى. كەنەتتەن جامباستا قاتتى اۋىرسىنۋدى سەزىندىم. نە بولعانىن تۇسىنبەدىم جانە جانۋاردى قۋا باستادىم. سودان كەيىن قولىمدى تىستەدى. قۇتقارۋشى ماعان كەلە جاتقاندا تاسباقا وعان دا شابۋىل جاسادى. قۇتقارۋشى مەنى بىردەن جاعاعا شىعاردى. قاتتى قورىقتىم، ەندى تەڭىزگە ۇزاق ۋاقىت كىرمەيمىن»، - دەدى تۋريست.

جاعاجايدا توتەنشە جاعدايدى كورگەن كۋاگەرلەر اگرەسسيۆ تاسباقانى ۆيدەوعا ءتۇسىردى. ولاردىڭ ايتۋىنشا، جانۋار تاياز سۋدا، جاعادان 5-10 مەتر قاشىقتىقتا - تۋريستەردىڭ شومىلۋ ايماعىندا بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى