بالاڭىز ايتقان ءسوزدى تىڭداسىن دەسەڭىز
ەڭ ءبىرىنشى، بالامەن قالاي دۇرىس سويلەسۋ كەرەگىن ءبىلۋ كەرەك. Greatpictures.org بالانىڭ ءتىلىن تابۋ تۋرالى اتا- اناعا ارنالعان كەڭەستەر توپتاماسىن ۇسىنادى.
«ءوزىڭ جاساعىڭ كەلە مە، الدە كومەگىم كەرەك پە؟»
دۇرىس ەمەس: «ءۇشىنشى رەت ايتىپ جاتىرمىن، كيىن».
دۇرىس: «كەتىپ بارا جاتىرمىز. اياق كيىمىڭدى ءوزىڭ كيەسىڭ بە، الدە كومەگىم كەرەك پە؟» نەمەسە «كولىككە ءوزىڭ وتىراسىڭ با، الدە كومەگىم كەرەك پە؟»
تۇسىنىكتەمە: بالانىڭ كوپشىلىگى بيلىك ەتۋگە رۇقسات ەتكەنىن قالايدى. ولارعا تاڭداۋ جاساۋعا رۇقسات بەرىڭىز، بۇل ولاردىڭ قىرسىعۋعا دەگەن قۇشتارلىعىن جويادى.
«قاتەلىگىڭنەن نە ۇقتىڭ؟»
دۇرىس ەمەس: «ۇيات- اي!» نەمەسە «بۇدان دا جاقسىراق تىرىسساڭ دا بولار ەدى».
دۇرىس: «قاتەلەسكەن كەزدە نە ءتۇسىندىڭ؟» نەمەسە «كەلەسىدە تىعىرىققا تىرەلمەۋ ءۇشىن باسقاشا قالاي ارەكەت ەتۋ كەرەك؟»
تۇسىنىكتەمە: بالانىڭ جاساعان ارەكەتىن ايىپتاۋدان گورى، ونىڭ مىنەز- قۇلقىن وزگەرتۋگە دەگەن موتيۆاتسياعا نازارىن اۋدارۋ جاقسى ناتيجەگە اكەلەدى.
«بۇگىن تەز ءجۇرۋىمىز كەرەك!»
دۇرىس ەمەس: «بول» نەمەسە «كەشىگىپ جاتىرمىز!»
دۇرىس: «بۇگىن ءبىز - جارىس كولىكتەرىمىز! قانشالىقتى جىلدام قوزعالاتىنىمىزدى تەكسەرىپ كورەيىك!»
تۇسىنىكتەمە: بالالارعا باياۋ جۇرۋگە رۇقسات ەتىڭىز! ءبىراق اسىعىس بولساڭىز، وندا ولاردى تەز جۇرۋگە قىزىقتىرىڭىز.
«قازىر كەتكىڭ كەلە مە، الدە ون مينۋتتان كەيىن كەتكىڭ كەلە مە؟»
دۇرىس ەمەس: «كەتۋىمىز كەرەك... تەز!»
دۇرىس: «بالالار، قازىر كەتكىلەرىڭ كەلە مە، الدە تاعى ون مينۋت ويناپ، كەيىن كەتەمىز بە؟»
تۇسىنىكتەمە: بالالار ءوز تاڭداۋىنا جاۋاپتى بولۋدى وتە جاقسى كورەدى! بۇعان نازار اۋدارۋ كەرەك، سەبەبى ونىڭ كومەگى تيەدى. ولارعا تاڭداۋ بەرىڭىز، وزدەرىن ماجبۇرلەۋگە تىرىسقاننان گورى، تاڭداۋ جاساتۋ ارقىلى جاقسى قارىم- قاتىناس قۇرۋعا بولادى.
«توقتا، دەمىڭدى ال، ەندى قالاعانىڭدى سۇرا»
دۇرىس ەمەس: «جىلاما!»
دۇرىس: «توقتايىق، بىرگە دەم الايىق، ەندى نە قالايتىنىڭدى سۇرا».
تۇسىنىكتەمە: بالا تىنىشتالىپ، جىلاۋىن توقتاتپايىنشا، سابىر ساقتاپ، مۇنى بىرنەشە رەت قايتالاڭىز.
«وزىڭە قالاي قامقور بولاسىڭ؟»
دۇرىس ەمەس: «بىلاي ىستەسەڭ، ءبارى جاقسى بولادى»، «بۇل ماڭىزدى ەمەس» نەمەسە «نەگە ۇنەمى رەنجيسىڭ؟»
دۇرىس: «ءوزىڭىزدى جاقسى سەزىنۋ ءۇشىن نە ىستەي الاسىڭ؟»
تۇسىنىكتەمە: شىنايى ەموتسيامەن ءومىر سۇرە الاتىن بالالار ويلانباعان ارەكەتتەرگە از بارادى، قيىندىقتارعا تاپ بولمايدى جانە ءوزىن- ءوزى جوعارى باعالايدى.
«اياقتاپ بولعانىڭشا كۇتەمىن»
دۇرىس ەمەس: «اكەل، ءوزىم ىستەيمىن».
دۇرىس: «ساعان ۋاقىت كەرەك سياقتى، مەن كۇتە تۇرامىن».
تۇسىنىكتەمە: اتا- انالار اسىعىستىق تانىتپاۋ كەرەك. بالا اياق كيىمىنىڭ باۋىن ءوزى بايلاسىن نەمەسە جازۋدى وقىسىن. ماقسات - بالالارعا ءاردايىم بىزگە تاۋەلدى بولمايتىنداي ەتىپ، سىناپ كورۋگە، ساتسىزدىككە ۇشىراتۋعا، قايتالاپ كورۋگە مۇمكىندىك بەرۋ!
«ءوزىڭدى قالاي سەزىنىپ تۇرسىڭ؟»
دۇرىس ەمەس: «تىنىشتال! كوڭىلگە الۋدىڭ قاجەتى جوق!»
دۇرىس: «سەنىڭ رەنجۋلى ەكەنىڭدى بىلەمىن، ءوزىڭدى قالاي سەزىنىپ تۇرسىڭ؟»
تۇسىنىكتەمە: بالالارعا ەموتسيالارىن تۇسىنۋگە كومەكتەسۋ - دۇرىس تاربيەنىڭ ماڭىزدى ەلەمەنتى.
بالالار ەموتسيالارىن ءتۇسىنىپ، باسقالارعا جەتكىزۋگە ىڭعايلى بولعان كەزدە (ولاردى جوققا شىعارىپ، جاسىرۋعا تىرىسۋدىڭ ورنىنا) مىنەز- قۇلقى وزگەرىپ، اشىق جانە سىيلى ادامعا اينالادى. وسى ءسوز تىركەستەرىن بالالارىڭىزبەن دۇرىس ديالوگ قۇرۋ ءۇشىن پايدالانىڭىز!
«مەن سەنى ەشتەڭەگە قاراماستان جاقسى كورەمىن»
دۇرىس ەمەس: «جامان قىلىق جاساساڭ، ەشكىم سەنى جاقسى كورمەيدى» نەمەسە «بىلاي ىستەدىڭ عوي، ەندى مەنى سۇيمە».
دۇرىس: «مەن سەنى قانداي قىلىق جاساعانىڭا قاراماستان جاقسى كورەمىن. كەلەسى جولى ويىنشىقتى جۇلىپ الماي، الدىمەن سۇراپ ال».
تۇسىنىكتەمە: پوزيتيۆ تاربيەنىڭ نەگىزى - ءسوزسىز ماحاببات. بۇل بالالارىمىزعا دەگەن سۇيىسپەنشىلىگىمىز ولاردىڭ جاقسى مىنەز- قۇلقىنا بايلانىستى بولماۋى كەرەك دەگەندى بىلدىرەدى. ءبىز ولاردى ەشتەڭەگە قاراماستان شىن جۇرەكتەن جاقسى كورەمىز.
massaget.kz
