ەلوردادا «اتا زاڭىم - ايبارىم» اتتى مەرەكەلىك كونسەرت ءوتتى

جينالعان كورەرمەندەر الدىندا قازاقستاننىڭ ەڭبەك سىڭىرگەن قايراتكەرلەرى، «دارىن» مەملەكەتتىك جاستار سىيلىعىنىڭ لاۋرەاتتارى، حالىقارالىق جانە رەسپۋبليكالىق كونكۋرستاردىڭ جەڭىمپازدارى ءسوز سويلەدى.

«بۇگىنگى مەرەكە- ءاربىر قازاقستاندىق ءۇشىن وتە ماڭىزدى جانە مارتەبەلى كۇن. ءبىزدىڭ كونستيتۋتسيا- قازاق حالقىنىڭ تاريحي جەڭىسىن، ارماندارى مەن مۇددەلەرىن زاڭدى تۇردە بەكىتكەن، بۇكىل الەمگە قازاقستان دەپ اتالاتىن ەركىن ەلدىڭ ءومىر ءسۇرۋىن اشقان بەدەلدى قۇجات. ەلوردا تۇرعىندارى مەن قوناقتارىنا تاماشا شىعارماشىلىق كەش سىيلاي العانىمىز ءۇشىن قۋانىشتىمىز. ءبىزدىڭ كونستيتۋتسيامىزعا باعىنىپ، شىندىقتى ايتا الاتىن ۇرپاق ءوسسىن»، - دەدى قازاقستاننىڭ ەڭبەك سىڭىرگەن قايراتكەرى سۆەتلانا ايتبايەۆا.

ساحنادا قازاقستاندا دۇنيەگە كەلگەن ۇزدىك شىعارمالار ورىندالدى. ولاردىڭ قاتارىندا ەۆگەنيي برۋسيلوۆسكيدىڭ «شاشۋ»، نۇرعيسا تىلەنديەۆتىڭ «الاتاۋ»، التىنبەك قورازبايەۆتىڭ «قازاقستان» جانە ت. ب. بار.

«كونسەرت وتە ۇنادى، ۇيىمداستىرۋ جوعارى دەڭگەيدە. حالىق اندەرى مەن نوستالگيا ءۇشىن راحمەت! بارشاڭىزدى كونستيتۋتسيا كۇنىمەن قۇتتىقتايمىن، بارشاڭىزعا دەنساۋلىق، باقىت جانە جۇمىستا تابىس تىلەيمىن»، - دەدى ەلوردا تۇرعىنى ءلاززات ەرجانوۆا.

ارتىستەردىڭ جارقىن جانە اسەرلى قويىلىمدارى ەشكىمدى بەي- جاي قالدىرمادى. ال ءاربىر نومەر دۋ قول شاپالاقپەن سۇيەمەلدەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى