دارىلىك ءشوپ ءوسىرۋدى كاسىپ ەتكەن جەتىسۋلىق كاسىپكەر
سول ارقىلى كەلەسى جازدا جينالاتىن ءونىم كولەمىن كوبەيتۋدى جوسپارلاپ وتىر.
سەرگەي اندرەەنكو، سەرىكتەستىك ديرەكتورىنىڭ ورىنباسارى:
- ۆالەريانكا دەپ اتالاتىن وسىمدىك كوشەتىن 17 گەكتارعا ەگەمىز. وسىعان دەيىن ونىڭ القابى 7 گەكتار بولاتىن. ياعني جىل سايىن ەگىستىك اۋقىمىن ۇلعايتىپ كەلەمىز. ءبىراق بۇل داقىلدى ءوسىرۋ وڭاي ەمەس. ويتكەنى كۇتىپ باپتاۋ جۇمىستارى تەحنيكامەن ەمەس كوبىنە قولمەن جاسالدى.
جۇمىس كۇشىن كوپ قاجەت ەتۋمەن قاتار سالاداعىلارعا قويىلاتىن تالاپ تا قاتاڭ. ماسەلەن، ەگىستىك القاپتى گەربەتسيد، پەستيتسيدپەن تىڭايتۋعا مۇلدەم بولمايدى. ءتىپتى، حيميالىق قوسپالار كورشى شارۋاشىلىقتان دا شاشىراماۋى ءتيىس. سوندا عانا ءشوپتىڭ قۇرامى تازا ءارى تابيعي قالپىندا بولادى. ءونىمدى جيناۋ جانە جەتكىزۋ كەزىندە تازالىق ساقتالۋى قاجەت.
ۆلاديسلاۆ ميحايلوۆ، جۇمىسشى:
- ءوز ادامدارىمىز تاڭقۋرايدىڭ جاپىراعىن تاۋدان جينايدى. ونى ارنايى تازالانعان جەكە كولىكپەن اكەلەدى. ويتكەنى وعان وزگە وسىمدىكتەردىڭ توزاڭى تۇسپەۋ كەرەك. سۋ تيگىزبەي كوگەرتپەي ساقتاۋ قاجەت. قىسقاسىن ايتقاندا تالاپ قاتاڭ ساقتالادى. سوندا عانا وندىرىسكە جارايدى.
كاسىپورىندا 60 تان اسا ادام جۇمىس ىستەيدى. قازىر ولار تاۋدان جينالعان جابايى الما مەن يتمۇرىندى قاقتاپ، تاڭقۋراي جاپىراعىن كەپتىرۋگە كىرىسكەن. سونىمەن قاتار، وزدەرى وسىرگەن مىڭجاپىراق، جالبىز، شايقۋراي، قىزىلميا، تۇيمەداق سىندى دارىلىك وسىمدىكتەردى ۇساقتاپ جونەلتۋگە دايىنداپ جاتىر.
سەرگەي كيرەيەۆ، وندىرىستىك سەح جەتەكشىسى:
- ءبىزدىڭ شارۋاشىلىقتا ەڭ كوپ جينالعان ءونىم ول تۇيمەداق. وسى جازدا ەگىستىك القاپتاردان 250 توننا الدىق. قازىر وڭدەۋ جۇمىستارى ءجۇرىپ جاتىر. ياعني جاپىراعىن، ساباعىن جانە تۇقىمىن جەكە جەكە سۇرىپتاپ، قاپقا سالامىز. ءالى ءبىر اي شاماسىندا اتقاراتىن جۇمىس بار.
سۇرىپتالعان ءونىم ءدارى جاسايتىن وتاندىق جانە شەتەلدىك كومپانيالارعا جونەلتىلەدى. نەگىزىنەن رەسەي، تۇركيا، گەرمانياعا ەكسپورتتالىپ وتىر. شارۋاشىلىقتاعىلار بيىل ينفروقۇرىلىم تارتىپ زاۋىت سالا باستادى. وسىلايشا ولار وسىرگەن ءونىمدى ءوز ەلىمىزدە وڭدەمەك.
اۆتورلارى: شىڭعىس قاليدەن، قۋانىش تۇرگەنبايەۆ
www.24.kz
