توي ۇستىندە وق اتقان قىزىلوردالىققا قاتىستى تەرگەۋ باستالدى
وقيعا 27- تامىزدا قىزىلوردا قالاسىنىڭ اۋماعىندا بولعان. الەۋمەتتىك جەلىدە تاراعان بەينەجازبادا الدەكىمنىڭ قارۋمەن اۋاعا بىرنەشە مارتە وق اتقانى جاريالانعان بولاتىن.
«تەكسەرۋ بارىسىندا وقيعا قالانىڭ شەت اۋماعىندا توي ءوتۋ كەزىندە بولعانى انىقتالدى. اتىس سالدارىنان ەشكىم زارداپ شەككەن جوق. اتالعان دەرەك بويىنشا 21 جاستاعى ازاماتتىڭ ءىسى ق ر قىلمىستىق كودەكسىنىڭ 287-بابىنىڭ 3-بولىگى جانە 293-بابىندا قارالعان قىلمىستىق قۇقىق بۇزۋشىلىقتاردىڭ بەلگىسى بولۋىنا بايلانىستى سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى. بۇل بويىنشا سوتقا دەيىنگى تەرگەپ-تەكسەرۋ باستالدى»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
ەسكە سالساق، قىزىلوردادا تۇرمەگە ترامادول مەن 5 تەلەفون لاقتىرماق بولعان ادام ۇستالدى.
