بەس مەترلىك پيتون يەسىنەن قاشىپ، كورشى پاتەرگە كىرە جازدادى
ۇلىبريتانيالىق ەگدە جاستاعى ايەل ويانعان كەزدە پاتەرىنىڭ شاتىرىنان بەس مەترلىك پيتوندى كورگەن. ول تەرەزە ارقىلى پاتەرگە كىرمەك بولىپتى.
«شاتىردان بىردەڭە كورىپ قالدىم، ونى پلاستيكالىق قۇبىر دەپ ويلادىم، ءبىراق سودان كەيىن باسى قوزعالا باستادى. تەرەزەڭىز الدىنداعى ۇلكەن جىلان تاڭەرتەڭ ءبىرىنشى كەزەكتە كورگىڭىز كەلەتىن نارسە ەمەس»، - دەدى 62 جاستاعى ءۇي يەسى دجەنني ۋورۆيك.
پيتون تەرەزە ارقىلى ۇيگە كىرمەك بولعان كەزدە، ايەل ەدەن جۋعىشتىڭ سابىن الىپ، جىلاندى 6 مەتر بيىكتەن يتەرىپ جىبەرگەن.
وسىدان كەيىن شوشىنعان تۇرعىندار ۇيىندە جىلان ۇستايتىن كورشىسىنە بارعان. بۇل پيتون كورشىسىنىكى ەمەس ەكەن، ءبىراق ول يەسى تابىلعانشا ونى ۇستاي تۇرۋعا كەلىسكەن.
«مۇنداي كولەمدەگى پيتون وتە قاۋىپتى، اسىرەسە ول اش بولسا. ءۇي جانۋارلارى نەمەسە كىشكەنتاي بالالار بار پاتەرگە كىرىپ كەتسە، نە بولاتىنى بەلگىسىز»، - دەدى ايەل.
كەيىنىرەك جىلاننىڭ يەسى تابىلىپ، ونى ۇيىنە الىپ كەتكەن.
