نۇر- سۇلتان - الماتى باعىتىنداعى ۇشاق قوزعالتقىشىنان قۇس بەلگىلەرى انىقتالدى
«بۇگىن نۇر- سۇلتان - الماتى- KS 9960 رەيسىن ورىنداعان Airbus A321LR ۇشاعىن تەكسەرۋ بارىسىندا قوزعالتقىشىنان قۇس بەلگىلەرى انىقتالدى. سالدارىنان قوزعالتقىش قاقپاعى زاقىمدالدى (مايىسىپ قالعان) « ، - دەپ حابارلادى اۋە كومپانيانىڭ باسپا ءسوز قىزمەتى.
اۋە كومپانيا مالىمەتىنشە، جوندەۋ جۇمىستارىن «air Astana» ينجەنەرلىك- تەحنيكالىق ءبولىمىنىڭ قىزمەتكەرلەرى جۇرگىزەدى.
ەسكە سالايىق، 23-تامىز كۇنى ىستانبۇل - الماتى باعىتىنداعى ۇشاقتىڭ قوزعالتقىشىنان قۇس ىزدەرى تابىلعان ەدى.
سونداي- اق 18-تامىز كۇنى الماتى - اتىراۋ رەيسىندەگى ۇشاقتىڭ قوزعالتقىشىنا دا قۇس ءتۇسىپ كەتكەن بولاتىن. تەحنيكالىق جاعدايىن باعالاۋ ءۇشىن بورتتى پايدالانۋ توقتاتىلدى. وسىعان بايلانىستى اتىراۋ - الماتى ك س878 رەيسى كەشىكتىرىلىپ ورىندالادى.
