جەڭىلدەتىلگەن اۆتونەسيە سوماسىن ۇلعايتۋ مۇمكىندىگىن ىزدەيمىز - رومان سكليار

«اۆتونەسيەلەۋ بويىنشا وتىنىشتەر كوپتەپ تۇسۋدە، ءبىز بۇل سومانى ۇلعايتۋ مۇمكىندىگىن تابۋعا تىرىسامىز»، - دەدى رومان سكليار ۇكىمەت كۋلۋارىندا تىلشىلەرگە بەرگەن سۇحباتىندا.

ونىڭ ايتۋىنشا، «وكم وپەراتورى» ج ش س بۇعاتتالعان 220 ميلليارد تەڭگەنىڭ 100 ميلليارد تەڭگەسى جەڭىلدەتىلگەن اۆتونەسيەلەۋگە بولىنگەن.

«30 ميلليارد تەڭگە - اۋىل شارۋاشىلىعى وندىرۋشىلەرىن جەڭىلدىكپەن نەسيەلەۋگە باعىتتالعان. ولار كومباينداردى، تراكتورلاردى جىلدىق %6 بەن باستاپقى جارناسىز ساتىپ الا الادى. بۇل تاجىريبەنى جالعاستىرۋ قاجەت دەپ ەسەپتەيمىن»، - دەپ اتاپ ءوتتى پرەمەر- ءمينيستردىڭ ورىنباسارى.

ايتا كەتەيىك، بۇگىنگە دەيىن 12 مىڭنان استام قازاقستاندىق جەڭىلدەتىلگەن نەسيەمەن كولىك العان.

سونىمەن بىرگە، اۆتوكولىكتەردى جەڭىلدەتىلگەن نەسيەمەن بەرۋ باعدارلاماسىنا تاعى 10 ميلليارد تەڭگە ءبولىندى. يندۋستريا جانە ينفراقۇرىلىمدىق دامۋ مينيسترلىگىنە قاراستى ونەركاسىپتى دامىتۋ قورىنىڭ دەرەگىنشە، 4 پايىزبەن بەرىلەتىن اۆتونەسيە باعدارلاماسىنا قاتىسۋشى «ەۋرازيالىق بانككە» - 35 ميلليارد ، «بانك سەنتر كرەديتكە» - 27,5 ميلليارد ، «حالىق بانككە» - 22,5 ميلليارد جانە «Forte Bank» - كە 15 ميلليارد تەڭگە بولىنگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى