ەلدەگى ءۇش دونور ءوڭىر بيۋدجەتكە نەشە تەڭگە اۋدارادى

«اعىمداعى جىلى 2020 - 2022 -جىلدارعا ارنالعان جالپى سيپاتتاعى ترانسفەرتتەر تۋرالى زاڭنىڭ قولدانىلۋىنىڭ اياقتالۋىنا بايلانىستى، كەلەسى ءۇش جىلدىق كەزەڭگە ارنالعان سۋبۆەنتسيالار مەن الىپ قويۋلاردىڭ كولەمىن بەكىتۋدى كوزدەيتىن «رەسپۋبليكالىق جانە وبلىستىق بيۋدجەتتەر، رەسپۋبليكالىق ماڭىزى بار قالالار، استانا بيۋدجەتتەرى اراسىنداعى 2023 - 2025 -جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى» زاڭ جوباسى ازىرلەندى.

جالپى سيپاتتاعى ترانسفەرتتەردىڭ كولەمى وڭىرلەردىڭ قارجىلىق دەربەستىگىن كەڭەيتۋ جانە الەۋمەتتىك يگىلىكتەر مەن مەملەكەتتىك كورسەتىلەتىن قىزمەتتەردىڭ قولجەتىمدى بولۋىن تەڭەستىرۋ، سونداي- اق ورتالىق پەن وڭىرلەر اراسىنداعى ترانسفەرتتەر كولەمىن بىرتىندەپ قىسقارتۋ جونىندەگى جاڭا تاسىلدەر ەسكەرىلىپ ەسەپتەلدى»، - دەدى ۆەدومستۆو باسشىسى.

بۇل جەردە بيۋدجەت دونورى بولىپ ەسەپتەلەتىن ءۇش وڭىردەن الداعى 3 جىلدا 1,5 تريلليون تەڭگە الۋ جوسپارلانىپ وتىر.

«وسىنى ەسكەرە وتىرىپ، ءۇش دونور ءوڭىر - نۇر- سۇلتان جانە الماتى قالالارى، اتىراۋ وبلىسى ايقىندالدى، ولار بويىنشا بيۋدجەتتىك الىپ قويۋلار مىناداي كولەمدە ايقىندالدى: 2023 -جىلى 487 ميلليارد تەڭگە، 2024 -جىلى - 536 ميلليارد تەڭگە، 2025 -جىلى - 577 ميلليارد تەڭگە.

قالعان 17 ءوڭىر بويىنشا بيۋدجەتتىك سۋبۆەنسيالار كولەمى 2023 -جىلى - 4,9 تريلليون تەڭگە، 2024 -جىلى - 5,2 تريلليون تەڭگە، 2025 -جىلى - 5,7 تريلليون تەڭگەنى قۇرادى»، - دەدى مينيستر.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى