ۇلتتىق قوردان مۇناي سالىعىنىڭ تۇسىمدەرىن عانا الامىز - ۇلتتىق ەكونوميكا ءمينيسترى
«ۇلتتىق قوردان كەپىلدەندىرىلگەن ترانسفەرتتىڭ كولەمى جاڭا بيۋدجەت قاعيداسىمەن شەكتەلگەن، بولجام بويىنشا ولار مۇناي سەكتورى ۇيىمدارىنان ۇلتتىق قورعا تۇسەتىن تىكەلەي سالىقتار كولەمىنەن اسپايتىن بولادى.
ۇكىمەتتىڭ 2022 -جىلعا ارنالعان داعدارىسقا قارسى شارالار جوسپارىنىڭ ءىس- شارالارىن جانە مەملەكەت باسشىسىنىڭ شەشىمى بويىنشا ۇلتتىق اۋقىمداعى الەۋمەتتىك ماڭىزى بار جوبالاردى ىسكە اسىرۋعا ۇلتتىق قوردان 2023 -جىلى 1 تريلليون تەڭگە جانە 2024 -جىلى 400 ميلليارد تەڭگە كولەمىندە نىسانالى ترانسفەرت تارتۋ جوسپارلانۋدا»، - دەدى مينيستر.
ايتۋىنشا، كەلەسى جىلى رەسپۋبليكالىق بيۋدجەت شىعىستارى 21 تريلليون تەڭگە بولسا، 2025 -جىلى 22,7 تريلليون تەڭگەگە دەيىن بىرتىندەپ ۇلعايماق.
«جالپى ىشكى ءونىم كولەمى 2023 –جىلعى % 17,4- دان 2024- 2025 –جىلدارى % 16,2-15,5- عا دەيىن تومەندەۋى بولجانىپ وتىر. جالپى كونترتسيكلدىق بيۋدجەت قاعيداسىن قولدانۋ جوسپارلى كەزەڭدە رەسپۋبليكالىق بيۋدجەت شىعىستارىنىڭ ءوسۋ قارقىنىن ج ءى ءو- گە قاتىستى %16,4 دەڭگەيىندە تۇراقتاندىرۋدى قامتاماسىز ەتەدى»، - دەدى ۆەدومستۆو باسشىسى.
ۇكىمەت وتىرىسنىدا ق ر ۇلتتىق ەكونوميكا ءمينيسترى ۇلتتىق قوردىڭ قاراجاتى بۇدان بىلاي بىرتىندەپ تولىسا بەرەتىنىن ايتىپ، جاعىمدى بولجام جاسادى.
«ق ر ۇلتتىق قورىنان 2023-2025 -جىلدارعا ارنالعان كەپىلدەندىرىلگەن ترانسفەرت تۋرالى» زاڭ جوباسى بيۋدجەت كودەكسىنىڭ جاڭا تالاپتارىن ەسكەرە وتىرىپ ازىرلەندى.
ۇلتتىق قوردان كەپىلدەندىرىلگەن ترانسفەرتتىڭ مولشەرى بيۋدجەت قاعيدالارىنا سايكەس مۇنايدىڭ كەسىمدى باعاسىن ەسكەرە وتىرىپ ايقىندالدى.
وسىلايشا، زاڭ جوباسىندا مۇنايدىڭ كەسىمدى باعاسى 2023 -جىلى باررەلىنە 48,9 ا ق ش دوللارى، 2024 - 2025 -جىلدارى باررەلىنە 42,2-40,3 ا ق ش دوللارى دەڭگەيىندە بەلگىلەندى.
وسىنى ەسكەرە وتىرىپ، رەسپۋبليكالىق بيۋدجەتكە كەپىلدەندىرىلگەن ترانسفەرتتىڭ مولشەرى 2023 -جىلى 2,2 تريلليون تەڭگە، 2024 -جىلى 2,0 تريلليون تەڭگە، 2025 -جىلى 1,9 تريلليون تەڭگە كولەمىندە بەلگىلەندى»، - دەدى مينيستر.
وسىلايشا، ۇلتتىق قور قاراجاتىن پايدالانۋ جوسپارى جاسالعان كەزدە مۇناي باعاسىنىڭ بولجامدى كورسەتكىشى قازىرگىدەن الدەقايدا تومەن بولعاندىقتان ۇلتتىق قورعا باعىتتالاتىن ءتۇسىم الداعى ۋاقىتتا ارتۋى كەرەك.
«قاعيدالاردى جوسپارلى كەزەڭدە قولدانۋ ۇلتتىق قوردىڭ ۆاليۋتالىق اكتيۆتەرىن 2023 -جىلى 66,7 ميلليارد ا ق ش دوللارىنا دەيىن قالپىنا كەلتىرۋگە، ودان ءارى 2024 - 2025 -جىلدارى 78,8 - 93,2 ميلليارد ا ق ش دوللارىنا دەيىن ۇلعايتۋعا ىقپال ەتەدى.
ءبىزدىڭ بولجامدار بويىنشا ۇلتتىق قوردان تارتىلاتىن قاراجات پەن ورتا مەرزىمدى كەزەڭدە شىعىستاردىڭ ءوسۋ قارقىنىنىڭ جوعارعى شەگىن بەلگىلەۋ فيسكالدىق ءتارتىپتى ارتتىرۋعا جانە ۇلتتىق قوردىڭ جيناقتاۋ فۋنكسياسىن كۇشەيتۋگە مۇمكىندىك بەرەدى»، - دەدى الىبەك قۋانتىروۆ.
فوتو: primeminister.kz
اۆتور
ەسىمجان ناقتىباي
