كەلەر جىل باسىنان ا ە ك پەن ەڭ تومەنگى زەينەتاقى وسەدى
بۇل تۋرالى «اشىق» ن ق ا سايتىندا تالقىلاۋعا شىعارىلعان قارجى مينيسترلىگىنىڭ «2023-2025 -جىلدارعا ارنالعان رەسپۋبليكالىق بيۋدجەت» جوباسىندا كورسەتىلگەن، دەپ حابارلايدى قازاقپارات ءتىلشىسى.
«2023 -جىلعى 1-قاڭتاردان باستاپ جالاقىنىڭ ەڭ تومەن مولشەرى – 60000، مەملەكەتتىك بازالىق زەينەتاقى تولەمىنىڭ ەڭ تومەن مولشەرى – 21907، ال زەينەتاقىنىڭ ەڭ تومەن مولشەرى - 53076 تەڭگە بولىپ بەكىتىلسىن. سونىمەن قاتار جاسىنا بايلانىستى جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە جۇمسالاتىن قاراجات 2023 -جىلعى 1-قاڭتاردان باستاپ 10,5 پايىزعا كوتەرىلە وتىرىپ بەلگىلەنسىن»، - دەپ جازىلعان قۇجاتتا.
بۇدان بولەك، كەلەسى جىلدىڭ قاڭتارىنان ا ە ك مولشەرى وسەدى. بيىل ول 3180 بولسا، 2023 -جىلى - 3450 تەڭگە بولماق. بيۋدجەت جوسپارىنا سايكەس، ەڭ تومەنگى كۇنكورىس دەڭگەيى - 40567 تەڭگە بولىپ بەكىتىلمەك.
