ولىمگە اكەلەتىن اۋرۋدى جەڭگەن اتاقتى جۇلدىزدار
ءبىراق اتاقتىلاردىڭ اراسىندا دا ءولىم اۋزىندا بىرنەشە رەت بولعاندار كوپ. ولىمگە اكەلەتىن اۋرۋلارعا شالدىققان تانىمال اكتريسالار مەن انشىلەردى ۇسىنامىز.
پامەلا اندەرسون
اتاقتى اكتريسا س گەپاتيتىمەن 10 جىلدان اسا ۋاقىت كۇرەستى. ول ونى كۇيەۋى - توممي ليدەن جۇقتىردى: تاتۋيروۆكا ىستەۋ ءۇشىن ونىڭ ينەسىن پايدالانعان. 2015 -جىلى پامەلا گەپاتيتتى ەمدەۋ ءۇشىن ەكسپەريمەنتتىك دارىگە جۇگىنۋدى شەشەدى. باقىتىنا وراي، ول ۆيرۋستى جەڭە الدى. كەيىن ول ءبىر سۇقباتىندا وسىنداي پروبلەماعا شالدىققان ادامداردى بەرىلمەۋگە جانە ەم كۋرسىن ءوتۋدىڭ مۇمكىندىكتەرىن ىزدەۋگە شاقىردى.
ەميليا كلارك
«ايداھارلار اناسى» 2011 -جىلى باس ميى تامىرلارىنىڭ انيەۆريزماسىمەن بەلسەندى كۇرەستى باستادى. ەميليا ينسۋلتتى باستان وتكەردى جانە ەكى رەت حيرۋرگيالىق ۇستەلگە ءتۇستى. ول ءبىر سۇقباتىندا 2013 -جىلى ءولىم اۋزىندا بولعانىن ايتتى. ونىڭ سەبەبى ميعا قان قۇيىلۋ بولدى. قازىر اكتريسانىڭ دەنساۋلىعى بىرتىندەپ قالىپقا كەلۋدە.
كايلي مينوۋگ
اۆستراليالىق ءانشى كايلي مينوۋگ - قوعامعا ءوز اۋرۋىن اشىق ايتۋدى شەشكەن جۇلدىزداردىڭ ءبىرى. 2003 -جىلى دارىگەرلەر وعان ءسۇت بەزدەرىنىڭ قاتەرلى ىسىگى دياگنوزىن قويدى. سول جىلى ىسىكتى الدى، سودان سوڭ ءانشى حيميوتەراپيا كۋرسىن ءوتتى. كايلي ەكى جىلدان سوڭ حالىق الدىنا قايتا ورالىپ، تەكسەرىستەن جۇيەلى تۇردە ءوتۋ كەرەگىن جانە دەنساۋلىقتى كۇتۋدىڭ ماڭىزى جايلى يدەيانى كەڭىنەن تاراتا باستادى.
سەلەنا گومەس
بىرنەشە جىل بۇرىن سەلەنا گومەسقا اۋىر اۋتويممۋندى اۋرۋ - جۇيەلى قىزىل جەگى دياگنوزىن قويدى. ول بۋىندار اۋىرۋىن، تەمپەراتۋرانىڭ كوتەرىلۋىن، دەنەدە بورتپە پايدا بولۋىن شاقىرادى.
دەنساۋلىقتى قالىپقا كەلتىرۋ ءۇشىن ءانشى حيميوتەراپيانىڭ بىرنەشە كۋرسىن ءوتتى، ال 2017 -جىلى بۇيرەكتى اۋىستىرىپ ورنالاستىرۋ وتاسىن جاساتتى. ايتپاقشى، سەلەنانىڭ دونەرى ونىڭ جاقىن قۇربىسى - فرانسيا بولدى: ول «تابىسقا جەت 3: ءبارى نەمەسە ەشتەڭە» فيلمىندەگى لەتي رولىمەن تانىمال.
اندجەلينا دجولي
گولليۆۋدتىق اكتريسا وپەراتسيا ۇستەلىنە بىرنەشە رەت جاتىپ شىقتى. الدىمەن وعان قوس ماستەكتوميا، ياعني ءسۇت بەزىن الۋ وپەراتسياسىن جاساعان، ال كەيىنىرەك انالىق بەزى مەن فاللوپي جاتىر تۇتىگىن الىپ تاستاعان. مۇنداي باتىل شاراعا اندجەلينا ءسۇت بەزى قاتەرلى ىسىگى قاۋپىن ازايتۋ ءۇشىن بارادى. سەبەبى بۇل اۋرۋ ونىڭ وتباسىسىندا تۇقىم قۋالاۋ ارقىلى بەرىلەدى، ونىڭ پايدا بولۋ مۇمكىندىگى وتە جوعارى بولدى.
بىرنەشە جىل بۇرىن اكتريسانىڭ انورەكسيامەن قينالاتىنى جايلى اقپارات تارادى. 2017 -جىلى ول اناسىنان ايىرىلىپ، دەپرەسسياعا ۇشىرادى جانە تاماق جەۋدى قويدى. ونىڭ سالماعى 35 كيلوگرامعا تۇسكەندە ول اۋرۋحانادان ءبىر شىقتى. ءبىراق دارىگەرلەر كومەگىنىڭ ارقاسىندا ول ءوز دەنساۋلىعىن قالپىنا كەلتىرە الدى جانە بۇرىنعى قالپىنا كەلدى.
دجۋليا روبەرتس
2002 -جىلى اكريساعا ترومبوتسيتوپەنيا دياگنوزى قويىلدى. بۇل قاندا ترومبوتسيتتەر مولشەرى بىردەن ازايىپ كەتەتىن وتە سيرەك كەزدەسەتىن اۋرۋ. ترومبوتسيتوپەنيانىڭ پايدا بولۋىنا وتە كوپ جۇكتەمەلەر مەن بۇرىن وتكەرگەن جۇقپالار ىقپال ەتەدى. اۋرۋدىڭ سالدارىنان دەنەدە ۇنەمى كوگەرگەن جەرلەر پايدا بولادى. قازىر دجۋليا دەنساۋلىعىمەن بەلسەندى اينالىسادى جانە باسقالارعا ءوز سەزىمدەرىن تىڭداۋدىڭ ماڭىزدىلىعىن ءجيى ايتادى.
اناستەيشا
اناستەيشادان 34 جاسىندا ءسۇت بەزى قاتەرلى ىسىگىن انىقتالدى. ول ءبىر سۇقباتىندا بۇل اقپاراتتان سوڭ ۇزاققا دەيىن نە ىستەۋ كەرەگىن تۇسىنبەگەنىن مويىندادى.
2003 -جىلى اناستەيشا وپەرتسياعا كەلىسىم بەرىپ، ءسۇت بەزىنىڭ ءبىر بولىگىن الدىرتىپ تاستادى. ءبىراق 10 جىلدان سوڭ اۋرۋ قايتا ءبىلىندى. كەيىن ءانشى ءسۇت بەزى قاتەرلى ىسىگىن زەرتتەۋدى قارجىلاندىراتىن فوند اشتى. ءانشى اۋرۋدى جەڭە الدى.
massaget.kz
