پاتەر جالداعاندا الاياقتارعا ۇرىنباۋدىڭ بىرنەشە جولى بار
قازاقستان رەلتورلار قاۋىمداستىعىنىڭ مامانى نينا لۋكيانەنكو الاياقتاردىڭ قانداي سحەمالاردى ءجيى قولداناتىنىن ايتىپ بەردى، دەپ حابارلايدى قازاقپارات ءتىلشىسى.
«سايتتا ورنالاستىرىلعان پاتەردىڭ سۋرەتى تارتىمدى جانە باعاسى كوڭىلگە قونىمدى بولسا، وندا بۇل ءبىرىنشى كەزەكتە الاڭداۋشىلىق تۋعىزۋى ءتيىس. سەبەبى، الاياقتاردىڭ كوپشىلىگى جارناماعا ادەمى فوتوسۋرەتتەر جاريالاپ، تومەن باعا ۇسىنادى. ەكىنشىدەن، جىلجىمايتىن مۇلىكتى تەكسەرىپ الماي، ەشكىمگە اقشا جىبەرۋگە بولمايدى»، - دەدى قازاقستان رەلتورلارىنىڭ ءوزىن-ءوزى رەتتەيتىن قاۋىمداستىعى پرەزيدەنتىنىڭ كەڭەسشىسى نينا لۋكيانەنكو وڭىرلىك كوممۋنيكاتسيالار قىزمەتى الاڭىندا.
ايتۋىنشا، جالعا العانعا دەيىن جىلجىمايتىن مۇلىكتى كورۋ كەرەك، سودان كەيىن تۇرعىن ۇيگە قۇقىق بەرەتىن قۇجاتتاردى تەكسەرۋ قاجەت، ول يەسىنىڭ جەكە كۋالىگىن تەكسەرۋدەن باستالادى.
«سونىمەن قاتار، رەلتورلىق قىزمەتكە نە كىرەتىنىن ءتۇسىنۋ ماڭىزدى. بىرىنشىدەن، رەلتوردىڭ بارلىق الاياقتاردان، ال الاياقتىڭ رەلتورلاردان جانە اقپاراتتىق قىزمەت كورسەتەتىن كومپانيالاردان ايىرماشىلىعى، ول ەڭ الدىمەن مۇلىكتى كورسەتەدى. دەمەك، ادام الدىمەن ءۇيدى ءوز كوزىمەن كورۋى كەرەك. رەلتور مەنشىك يەسى مەن بولاشاق جالعا الۋشى اراسىندا كەلىسىم-شارت جاساۋ قىزمەتىن ۇسىنادى»، - دەپ قوستى نينا لۋكيانەنكو.
