ءبىرىنشى سىنىپتا وقىتىلاتىن «كوركەم ەڭبەك» ءپانى ەكىگە ءبولىندى

بۇل تۋرالى ى. التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى مادينا تىنىبايەۆا ايتتى، دەپ حابارلايدى قازاقپارات.

«1-سىنىپتار ءۇشىن «كوركەم ەڭبەك» ءپانى «بەينەلەۋ ونەرى» جانە «ەڭبەككە باۋلۋ» بولىپ ەكى جەكە پانگە ءبولىندى. بۇل پاندەر بويىنشا وقۋ باعدارلامالارى ازىرلەندى. وقۋ مازمۇنىندا نەگىزگى باسىمدىق ءبىلىم الۋشىلاردىڭ پراكتيكالىق داعدىلارىن قالىپتاستىرۋعا بەرىلەدى. بيىل «ەڭبەككە باۋلۋ» مەن «بەينەلەۋ ونەرى» پاندەرى بويىنشا وقۋلىقتار ازىرلەنبەيدى، تەك مۇعالىمگە ادىستەمەلىك قولداۋ ماقساتىندا ادىستەمەلىك نۇسقاۋلىق ۇسىنىلادى. ال 2-4- سىنىپتارعا بيىلعى وقۋ جىلىندا «كوركەم ەڭبەك» ءپانىن وقىتۋ جالعاسادى»، - دەدى م. تىنىبايەۆا.

سونىمەن قاتار جاڭا وقۋ جىلىنان باستاپ «جاھاندىق قۇزىرەتتەر» كۋرسى 5-11- سىنىپتارعا مىندەتتى كۋرس رەتىندە وقىتىلادى.

«كۋرس 5-9- سىنىپتاردا «پاراساتتىلىق جانە ەتيكا»، «ەكولوگيالىق مادەنيەت»، «ازاماتتىق جانە پاتريوتيزم»، «ءومىر ءسۇرۋ قاۋىپسىزدىگى»، «مەدياساۋاتتىلىق جانە قارجىلىق ساۋاتتىلىق» سىندى 5 ءبولىمدى قامتيدى.

«جاھاندىق قۇزىرەتتەر» كۋرسىنان قاي ءپاننىڭ مۇعالىمدەرى ساباق بەرەدى دەگەن سۇراق ءجيى تۋىندايدى. «ورلەۋ» بىلىكتىلىك ارتتىرۋ ورتالىعىنىڭ «جاھاندىق قۇزىرەتتەر» ءبىلىم بەرۋ باعدارلاماسى بويىنشا وقۋ كۋرسىنان وتكەن بارلىق مۇعالىم بۇل ءپاندى جۇرگىزە الادى»، - دەپ تولىقتىردى اكادەميا پرەزيدەنتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى