رۋدنىي قالاسىندا قوس ازاماتتىعى بار ايەل جازاعا تارتىلدى
رۋدنىي قالاسىندا تۇراتىن 56 جاستاعى ايەل 10 جىلدان استام ۋاقىت كوشى- قون سالاسىنداعى زاڭنامانى بۇزىپ كەلگەن.
ەكى ەلدىڭ ازاماتتىعى بار ايەل ەندى 600 مىڭ تەڭگەدەن استام ايىپپۇل تولەۋى ءتيىس.
- قوس ازاماتتىققا قارسى ءىس- قيمىل ماسەلەسى بۇگىنگى كۇنى وزەكتى بولىپ وتىر. قوستاناي وبلىسىنىڭ اۋماعىندا كوپتەگەن فاكتىلەر انىقتالۋدا. رۋدنىي قالاسىنىڭ اكىمشىلىك ىستەر جونىندەگى مامانداندىرىلعان سوتى 10 جىلدان استام قازاقستان رەسپۋبليكاسى جانە رەسەي فەدەراتسياسىنىڭ ازاماتتىعى بار 56 جاستاعى ايەلدى جاۋاپقا تارتتى. ەندى ول 612 مىڭ تەڭگە كولەمىندە ايىپپۇل تولەۋى ءتيىس، - دەپ ءتۇسىندىردى قوستاناي وبلىسى پ د كوشى- قون قىزمەتى باسقارماسىنىڭ ءبولىم باستىعى رينات سىزدىقوۆ.
قوس ازاماتتىق فاكتىلەرىن انىقتاۋ جانە جولىن كەسۋ ءۇشىن تۇراقتى نەگىزدە وبلىستىڭ كوشى- قون قىزمەتىنە مۇددەلى مەملەكەتتىك ورگانداردان قانداي دا ءبىر ازاماتتاردا قوس ازاماتتىقتىڭ بار ەكەندىگى تۋرالى مالىمەتتەر كەلىپ تۇسەدى. بۇل اقپاراتتى تيىسىنشە كوشى- قون قىزمەتىنىڭ قىزمەتكەرلەرى تەكسەرەدى.
- قازاقستاندا جانە سونىمەن ءبىر مەزگىلدە شەت مەملەكەتتىڭ اۋماعىندا زەينەتاقى تولەمدەرىن الاتىن ادامداردى انىقتاۋ بولىگىندە زەينەتاقى تولەۋ جونىندەگى مەملەكەتتىك ورتالىقتارمەن، ق ر ۇ ق ك شەكارا قىزمەتىنىڭ قىزمەتكەرلەرىمەن، سونداي- اق باسقا دا مەملەكەتتىك ورگاندارمەن بىرلەسكەن جۇمىس جۇرگىزىلۋدە، - دەپ تۇيىندەدى رينات سىزدىقوۆ.
ايتا كەتۋ كەرەك، وسى جىلدىڭ جەتى ايىندا 39 ازامات اكىمشىلىك جاۋاپكەرشىلىككە تارتىلدى، ونىڭ 7-ەۋى ەلدەن شىعارىلدى، ولارعا 5 جىل ىشىندە قازاقستان اۋماعىنا كىرۋ قۇقىعى شەكتەلدى.
فوتو: polisia.kz
