قوستانايلىق سپورتشى م م ا- دەن الەم چەمپيوناتىندا التىن مەدال الدى

ءجۇسىپوۆتىڭ باپكەرى مارات الىپبايەۆ سپورتشىسىنىڭ جەڭىسى تۋرالى Instagram پاراقشاسىندا جازدى.

«ەلىمىزدىڭ ءانۇرانىن شىرقاتىپ، قازاقستاننىڭ تۋىن جەلبىرەتتى. قازاقستاندىق ММА ، شىڭعىس ءجۇسىپوۆ جانە مەن ءۇشىن تاريحي ءسات! ММА دەن الەم چەمپيوناتىنىڭ العاشقى التىن مەدالى»، - دەپ قۋانىشتى جاڭالىقتى جەتكىزدى باپكەر.

شىڭعىس ءجۇسىپوۆ جاسوسپىرىمدەر اراسىندا ءبىرىنشى ورىن الدى. چەمپيوناتتا الەمنىڭ 20 ەلىنەن 28 قارسىلاس باق سىنادى. شىڭعىس التى جەكپە- جەك وتكىزىپ، بەسەۋىن مەرزىمىنەن بۇرىن اياقتادى.

شىڭعىس ءوزى دە الەۋمەتتىك جەلىلەردە جەڭىسى تۋرالى ايتتى.

بەلگىلى بولعانداي، «التىنعا» جەتۋ جولى وڭاي بولعان جوق، ءتىپتى سپورتشى چەمپيوناتقا كەشىگىپ قالا دا جازداعان.

«بۇل جارىسقا ۇلكەن كۇش جۇمسالدى. 13-تامىزدا الماتىعا جاتتىقتىرۋشىمەن ۇشىپ، امان- ەسەن قونىپ، جارىسقا بارۋ ءۇشىن كەلەسى كۇندى كۇتتىك. 14-تامىزدا ۇشۋىمىز كەرەك بولعان ەدى. بيلەتتەر بۇرىننان ساتىپ الىنعان. ەندى بيلەتتەردى الۋ كەزەگى بىزگە كەلگەندە، كەنەت بەلگىسىز سەبەپتەرمەن ولار رەيستەن الىنىپ تاستالعانى بەلگىلى بولدى. مەن سول ساتتە قاتتى ۋايىمدادىم»، - دەپ اتاپ ءوتتى شىڭعىس ءجۇسىپوۆ.

ءبىراق باپكەر الىپپايەۆ ونىڭ شەشىمىن بىردەن تاپقان. سپورتشى مەن جاتتىقتىرۋشى نۇر- سۇلتانعا ۇشىپ، سول جەردەن ءب ا ءا- گە ۇشاتىن رەيسكە جەتىپ ۇلگەرگەن.

«ۇشۋىم ءۇشىن ءبارىن جاساعان باپكەرىمە العىسىم شەكسىز. وتە مىقتى قولداۋ ءۇشىن مەنىڭ كومانداما راقمەت»، - دەپ تۇيىندەدى سپورتشى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى