قاسىم- جومارت توقايەۆ تۇركيا پرەزيدەنتىنە كوڭىل ايتۋ جەدەلحاتىن جولدادى
قازاقپارات بۇل تۋرالى اقورداعا سىلتەمە جاساپ حابارلايدى.
«وسىنداي قيىن ساتتە قايعى- قاسىرەتتەرىڭىزگە ورتاقتاسىپ، بارشا قازاقستاندىقتىڭ جانە جەكە ءوزىمنىڭ اتىمنان سىزگە جانە جاقىندارىنان ايىرىلعان وتباسىلارعا، سونداي- اق باۋىرلاس تۇرىك حالقىنا قايعىرا كوڭىل ايتامىن. مارقۇمداردىڭ اللا تاعالانىڭ شاپاعاتىنا بولەنۋىن، زارداپ شەككەندەردىڭ تەز ارادا ساۋىعىپ كەتۋىن تىلەيمىن»، - دەپ جازىلعان پرەزيدەنتتىڭ جەدەلحاتىندا.
ەسكە سالايىق، تۇركيا اۆتوجولىندا بولعان وقيعا سالدارىنان 16 ادام كوز جۇمىپ، 22 ادام زارداپ شەككەن بولاتىن.
