مينيستر مۇعالىمدەردىڭ بەس كۇندىك جۇمىس اپتاسىنا كوشۋىن قامتاماسىز ەتۋدى مىندەتتەدى
ۆەدومستۆونىڭ تەلەگرام- ارناسىنىڭ جازۋىنشا، بارلىق ءوڭىردىڭ ءبىلىم باسقارمالارى باسشىلارىنىڭ ەسەپتەرى تىڭدالدى، ولار بەس كۇندىك وقىتۋعا كوشۋ جانە پەداگوگتەردىڭ جۇمىس ءتارتىبى، سونداي- اق سىنىپتاردى جيناقتاۋ، تاريف جانە پەداگوگتەردىڭ ساعات جۇكتەمەسى تۋرالى باياندادى.
سونىمەن قاتار ءوڭىر اكىمدىكتەرىنىڭ مەكتەپتەردەگى جوندەۋ جۇمىستارىن اياقتاۋى، وقۋلىقتاردى جەتكىزۋ، مەكتەپ فورماسىن ساتىپ الۋ ءۇشىن «جالپىعا مىندەتتى ءبىلىم بەرۋ» قورى اياسىندا مۇقتاج وتباسىلارعا كومەك كورسەتۋ ماسەلەلەرى تالقىلاندى.
ءبىلىم باسقارمالارىنا بىلتىر ءبىر نەمەسە بىرنەشە مولشەرلەمەمەن جۇمىس ىستەگەن بارلىق مۇعالىمدى قاجەتتى وقۋ جۇكتەمەسىمەن قامتاماسىز ەتۋ تاپسىرىلدى. سونداي- اق 23- تامىزعا دەيىن «جالپىعا مىندەتتى ءبىلىم بەرۋ» قورىنان كومەك الاتىن بارلىق 475 مىڭ ازاماتتىڭ بانكتەگى شوتىنا قارجىنى اۋدارۋ جانە وسى جىلدىڭ 1- قىركۇيەگىنەن باستاپ ءۇش اۋىسىمدا جۇمىس ىستەيتىن پەداگوگتەردى قوسپاعاندا، بارلىق مۇعالىمنىڭ بەس كۇندىك جۇمىس اپتاسىنا كوشۋىن قامتاماسىز ەتۋگە قاتىستى تاپسىرما بەرىلدى.
رەداكتور
اسحات رايقۇل
