قازگيدرومەت: بۇگىن رەسپۋبليكانىڭ قاي جەرلەرىندە ۇسىك جۇرەدى
كاسىپورىن تاراتقان دەرەكتەرگە قاراعاندا، سولتۇستىك-باتىس انتيتسيكلونىنىڭ ىقپالىمەن قازاقستاننىڭ باسىم بولىگىندە كۇن جاۋىن-شاشىنسىز بولادى.
ەلدىڭ سولتۇستىگىندە، سولتۇستىك-باتىسىندا، شىعىسىندا، وڭتۇستىك-شىعىسىندا جاڭبىر جاۋادى، ەلدىڭ شىعىسىنداعى تاۋلى اۋدانداردا جاۋىن-شاشىن (جاڭبىر، قار) بولادى. رەسپۋبليكانىڭ وڭتۇستىك-شىعىسىنداعى تاۋلى اۋدانداردا بۇرشاق جاۋادى.
رەسپۋبليكانىڭ كەي جەرلەرىندە جەل كۇشەيىپ، سولتۇستىكتە، سولتۇستىك-باتىستا، ورتالىقتا، ەلدىڭ شىعىسىندا تۇندە جانە تاڭەرتەڭ تۇمان تۇسەدى، سولتۇستىكتە، شىعىستا، رەسپۋبليكانىڭ ورتالىعىندا تۇندە توپىراق بەتىندە 2 گرادۋسقا دەيىن ۇسىك جۇرەدى.
كۇندىز ماڭعىستاۋ وبلىسىنىڭ باسىم بولىگىندە قاتتى ىستىق بولادى.
قىزىلوردا، تۇركىستان وبلىسىنىڭ وڭتۇستىگىندە، شىعىسىندا، ماڭعىستاۋ وبلىسىنىڭ وڭتۇستىگىندە، بەسقاراعاي اۋدانىندا اباي وبلىسىنىڭ توتەنشە ءورت قاۋپى ساقتالادى.
