وقۋشىلاردىڭ جازعى دەمالىسى نەگە قىسقارادى - مينيستر جاۋابى

«جاڭا وقۋ جىلىندا ەلىمىزدە 3,6 ميلليون بالانى قامتيتىن 7637 مەكتەپ جۇمىس ىستەيدى. كەلەسى وقۋ جىلى 1-قىرقۇيەكتە باستالىپ، 36 اپتاعا سوزىلىپ، 31-مامىردا اياقتالادى. جازدىڭ ءبىرىنشى كۇنىنەن باستاپ وقۋشىلار ءداستۇرلى دەمالىستارىنا شىعادى. سايكەسىنشە، جاز ايلارى تولىعىمەن بالالاردىڭ دەمالىس ۋاقىتى بولا بەرەدى»، - دەدى اسحات ايماعامبەتوۆ ۇكىمەت وتىرسىندا.

ءمينيستردىڭ سوزىنە قاراعاندا، ەلىمىزدە وقۋشىلاردىڭ جازعى دەمالىسى وزگە ەلدەرمەن سالىستىرعاندا ايتارلىقتاي ۇزاق.

«جازعى دەمالىستىڭ ۇزاقتىعى ءبىلىم سالاسىنداعى كوشباسشى ەلدەرمەن سالىستىرعاندا ەڭ ۇزاق - 92 كۇن. جالپى، ءبىر وقۋ جىلىندا بالالارعا 4 رەت دەمالىس قاراستىردىق. وعان قوسا، دەمالىس جانە مەرەكە كۇندەرىن ەسەپتەگەندە بالالار جىل بويى بارلىعى 192 كۇن دەمالىپ، تەك 173 كۇن مەكتەپكە بارادى»، - دەدى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى