سولتۇستىك قازاقستاندا اڭ اۋلاپ جۇرگەن ەر ادام ابايسىزدا سەرىگىن اتىپ ءولتىردى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقىس وقيعا 6- تامىز كۇنى شال اقىن اۋدانىنىڭ نەجدانوۆكا اۋىلى ماڭىنداعى ورماندا بولعان.
55 جاستاعى ايىرتاۋ اۋدانىنىڭ تۇرعىنى اڭ اۋلاۋ كەزىندە ەلىككە وق اتقان، الايدا، بىتىرانىڭ ءبىر بولىگى قاسىنداعى سەرىگىنە - 64 جاستاعى ايىرتاۋ اۋدانىنىڭ تۇرعىنىنا تيگەن.
ەر ادام العان جاراقاتىنان وقيعا ورنىندا كوز جۇمدى. بۇل فاكتى ق ر قىلمىستىق كودەكسىنىڭ 99-1-بابى «ادام ءولتىرۋ» بويىنشا تىركەلدى.
قازىرگى ۋاقىتتا تەرگەۋ امالدارى جۇرگىزىلىپ جاتىر. ولاردىڭ ناتيجەلەرى بويىنشا تۇپكىلىكتى پروتسەسسۋالدىق شەشىم قابىلدانباق.
ەستەرىڭىزگە سالايىق، وسىعان ۇقساس وقيعا 11- شىلدە كۇنى جامبىل اۋدانى باۋمان اۋىلىنىڭ ماڭىندا بولعان ەدى. ەلدى مەكەن تۇرعىنى 65 جاستاعى ەر ادام جيدەك تەرىپ جۇرگەن اۋىلداسى - 51 جاستاعى التىناي مۇزداقبايەۆانى ابايسىزدا اتىپ ءولتىردى دەگەن كۇدىككە ءىلىنىپ، قاماۋعا الىندى.
وعان ق ر قىلمىستىق كودەكسىنىڭ 104-بابىنىڭ 1-بولىگى «ابايسىزدا ادام ءولتىرۋ»، 287-بابىنىڭ 3-بولىگى «اتىس قارۋىن، وق-ءدارى، قارۋ-جاراقتى نەمەسە جارىلعىش زاتتاردى زاڭسىز الىپ ءجۇرۋ، ۇستاۋ، وتكىزۋ» بويىنشا ايىپ تاعىلدى.
كەيىن ق ك 370-بابىنىڭ 4-بولىگىمەن جامبىل اۋدانى وزەرنوە اۋىلىنىڭ جەرگىلىكتى پوليتسيا قىزمەتى بولىمشەسىنىڭ بۇرىنعى ۋچاسكەلىك ينسپەكتورى ۇستالىپ، ۋاقىتشا ۇستاۋ يزولياتورىنا قامالدى.
