قىتايداعى بالاباقشاعا جاسالعان شابۋىلدان ءۇش ادام مەرت بولدى
بۇل تۋرالى «بەيجين جيباو» گازەتى وقيعا ورىن العان جياڭشي پروۆينسياسىنىڭ انفۋ ۋەزىنىڭ قوعامدىق قاۋىپسىزدىك باسقارماسىنا سىلتەمە جاساپ جازدى، دەپ حابارلايدى قازاقپارات مەنشىكتى ءتىلشىسى.
باسىلىمنىڭ مالىمەتىنشە، 48 جاستاعى قارۋلى ەر ادام بەيسبولكا مەن ماسكامەن جەكە بالاباقشاعا كىرىپ، بولمەدەگى ادامدارعا شابۋىل جاساعان. شابۋىل سالدارىنان ءۇش ادام قازا تاۋىپ، التى ادام ءتۇرلى دارەجەدەگى جاراقات الدى. وقيعا سارسەنبىدە جەرگىلىكتى ۋاقىت بويىنشا 10:22-دە قىتايدىڭ شىعىسىنداعى جياڭشي پروۆينسياسىنىڭ انلۋ ۋەزىندە بولعان. قازىرگى ۋاقىتتا جەرگىلىكتى پوليتسيا قىلمىسكەردى ىزدەستىرۋدە.
جاڭالىقتار حابارلاماسىندا شابۋىل جاساۋشىنىڭ ماقساتى جانە قىلمىستى جاساۋ ءۇشىن قانداي قارۋ قولدانعانى كورسەتىلمەگەن. جەرگىلىكتى پوليتسيا قىلمىستى اشۋعا ىقپال ەتەتىن اقپاراتتى بەرگەنى ءۇشىن 50 مىڭ يۋان (شامامەن 7,3 مىڭ دوللار) سىياقى جاريالادى.
