توعىز جاسار قازاقستاندىق ءانشى قىرعىزستاندا جەڭىمپاز اتاندى
ارقالىق قالالىق مادەنيەت ءبولىمىنىڭ دەرەگىنشە، نۇرجاينا بىرنەشە ەلدىڭ ونەرپازدارى قاتىسقان سايىستا «ۆوكال» نوميناتسياسى بويىنشا 1-ورىنعا يە بولعان. نۇرجاينا تاۋبالدى - ارقالىق قالاسىندا تۋعان. بۇگىندە ول قالالىق مادەنيەت ءۇيىنىڭ جانىنان قۇرىلعان «ءىنجۋ- مارجان» توبىنىڭ مۇشەسى.
كىشكەنتاي ونەرپاز بۇعان دەيىن حالىقارالىق جانە رەسپۋبليكالىق دەڭگەيدەگى كونكۋرستارعا قاتىسىپ، جۇلدەگەر اتانعان.
ال، بىلتىر حالىقارالىق «التىن ميكرافون-2021» بالالار ءان بايقاۋىندا Ⅲ ورىن العان.
ەسكە سالا كەتەيىك، بۇعان دەيىن 12 جاستاعى ءالينۇر حامزين سلاۆيان بازارى-2022 حالىقارالىق بالالار مۋزىكالىق بايقاۋىندا لاۋرەات اتانعانىن جازىپ ەدىك.
اۆتور ءاليحان اسقار
