ەسكىرگەن كيىمىن جاڭالاي الماي جۇرگەن قازاقستاندىقتار ۇلەسى وسكەن- ساۋالناما

ۇلتتىق ستاتيستيكا بيۋروسى جۇرگىزگەن ساۋالناما قورىتىندىسىنا قاراعاندا، 2021 -جىلى قاراجاتتىڭ جەتىسپەۋىنەن جيھازىن جاڭالاي الماي جۇرگەندەردىڭ ۇلەسى % 27,4- دان % 20,3- عا دەيىن ازايعان. ال قالتانىڭ تايازدىعىنان قىسقى جانە جازعى اياق كيىمنىڭ قوس جۇبىن ساتىپ الا المايتىنداردىڭ ۇلەسى % 15,3- دان % 11,3- عا دەيىن ازايعان.

ايىنا كەم دەگەندە ءبىر رەت دوستارىمەن، تۋىستارىمەن داستارحان باسىنا جينالۋ مۇمكىندىگى جوق ادامداردىڭ ۇلەسى % 8,4- دان % 6,3- عا كەمىگەن كورىنەدى. دەي تۇرعانمەن تابىسىنىڭ ماردىمسىزدىعىنان كۇن ارالاتىپ بالىق، ەت، تاۋىق ەتى بار ىستىق تاماق ىشە الماي جۇرگەندەردىڭ ۇلەسى % 7- دان % 7,9- عا دەيىن وسكەن. ال توزىعى جەتكەن كيىمىن جاڭالاي الماي جۇرگەندەردىڭ ۇلەسى % 5- دان % 5,2- عا جەتكەن.

«ماتەريالدىق تاپشىلىق كورىپ جۇرگەندەردىڭ ۇلەسى اۋىلدان قاراعاندا قالادا باسىم. قالالىقتاردىڭ % 20,9- ى ۇيدەگى جيھازىن جاڭالاي الماي جۇرگەنىن ايتسا، اۋىلدا بۇل كورسەتكىش -% 19,4. قىسقى جانە جازعى اياق كيىمنىڭ قوس جۇبىن كيە الماي جۇرگەن قالالىقتاردىڭ ۇلەسى % 11,7 بولسا، اۋىلدىقتاردىڭ ۇلەسى -% 10,7. قالالىقتاردىڭ % 5,6- ى ەسكىرگەن اياق كيىمى مەن كيىمىن جاڭالاي الماي جۇرسە، اۋىلدىقتاردىڭ ۇلەسى -% 4,7»، - دەپ جازادى Ranking.kz.

بۇعان دەيىن گادجەتتەر ءداۋىرىنىڭ ۇستەمدىگىنە قاراماستان، ساۋالناماعا قاتىسقان قازاقستاندىقتاردىڭ 99,9 پايىزىندا ۇيىندە تەلەديدار بار ەكەنىن ايتقانىن جازعان بولاتىنبىز.

اۆتور ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى