الماتىدا مەكتەپ فورماسى قويۋ كوك ءتۇستى بولادى
بۇل تۋرالى بريفينگ بارىسىندا قالالىق ءبىلىم باسقارماسىنىڭ باسشىسى ءلاززات جىلقىبايەۆا ايتتى، دەپ حابارلايدى قازاقپارات ءتىلشىسى.
«ءبىلىم جانە عىلىم ءمينيسترىنىڭ بۇيرىعىنا سايكەس، ءبىرىڭعاي مەكتەپ فورماسى 2016-جىلى بەكىتىلگەن بولاتىن. پاندەميا كەزىندە وقۋشىلارعا ەركىن كيىنۋگە رۇقسات بەردىك. جاڭا وقۋ جىلىنان باستاپ مەكتەپ فورماسىن كيەدى، ياعني - قويۋ كوك ءتۇستى فورما»، - دەدى سپيكەر.
سونىمەن قاتار ول اتا-انالار مەكتەپ فورماسىن ءوز قالاۋى بويىنشا تاڭدايتىنىن اتاپ ءوتتى.
«مەكتەپ فورماسىن اتا-انا ءوزى تاڭدايدى. اياق كيىمگە كەلەر بولساق، كلاسسيكالىق تۋفلي كيۋگە مىندەتتەمەيمىز. بالا وزىنە ىڭعايلىسىن كيەدى»، - دەدى ءلاززات جىلقىبايەۆا.
بۇعان دەيىن مەكتەپ فورماسى نۇر-سۇلتان قالاسىندا ءبىرىڭعاي بولاتىنىن جازعان بولاتىنبىز.
