قازاقستان پرەزيدەنتى الماتىلىق سۋرەتشىگە ەرەكشە پورترەت ءۇشىن العىس ءبىلدىردى
وسىدان كەيىن مەملەكەت باسشىسى وعان العىس حات جولداپ، دەنساۋلىق پەن جەتىستىك تىلەگەن، دەپ حابارلايدى قازاقپارات ءتىلشىسى.
ءا. سابىرجان قىزى پورترەتتى ق ر پرەزيدەنتىنىڭ اتى-ءجونىن قايتالاپ جازۋ ارقىلى سالدى.
«مۇنداي تەحنيكا سۋرەتشىلەر اراسىندا وتە تانىمال، سيمۆول گرافيكاسى دەپ اتالادى. ياعني الدەبىر زاتتاردان نە ەلەمەنتتەردەن پورترەت سالۋ. وسىعان ۇقساس جۇمىستارىم بار: دىنمۇحامەد قونايەۆ، كەرەي مەن جانىبەك حاندار، كەنەسارى حان پورترەتتەرى. ءبىراق ولاردى «كىشكەنتاي ادامداردان» سالدىم. ال مۇندا باسقاشا ءتاسىل قولدانۋدى ءجون كوردىم - پرەزيدەنتتى سوزدەردەن سالدىم. وسىلايشا، قاسىم-جومارت كەمەل ۇلىنا قولداۋ بىلدىرگىم كەلدى. سوزدەردەن سۋرەت سالۋ - العاشقى تاجىريبەم»، - دەيدى اسەل.
ول ءوز جۇمىسىن Instagram عا سالعان. ۆيدەو بۇگىنگى كۇنى 3 ميلليوننان استام قارالىم جينادى. بۇل سۋرەتشى ءۇشىن - جاڭا رەكورد.
«بىرەر كۇن بۇرىن پرەزيدەنت اكىمشىلىگىنەن حابارلاستى، ماعان الدەبىر نارسە بەرگىسى كەلەتىندەرىن ايتتى. كەيىن ماعان مەملەكەت باسشىسىنان كونۆەرت الىپ كەلدى. پرەزيدەنت مەنىڭ جۇمىسىمدى كورگەن ەكەن، وعان ءبارى ۇناعان. حاتتا: «سەن سياقتى تالانتتى جاستار كوپ بولسا، ەلىمىزدىڭ كەلەشەگى جارقىن بولادى»، - دەپ جازىلعان. سونداي-اق زور دەنساۋلىق پەن جەمىس تىلەگەن. شىنىمدى ايتسام، پرەزيدەنتتىڭ وزىنەن مۇنداي رەاكسيا بولادى دەپ كۇتپەگەن ەدىم. شەكسىز قۋانىشتىمىن»، - دەيدى سۋرەتشى.
ونىڭ ايتۋىنشا، پرەزيدەنتتىڭ پورترەتى ساتىلىپ كەتكەن. قازىر كارتينانىڭ كوپياسىن جاساپ جاتىر. اسەلدىڭ سوزىنشە، ول جۇمىس بارىسىن كامەراعا ءجيى تۇسىرەدى. سەبەبى ادامدار سونداي ۆيدەولاردى قاراعاندى ۇناتادى. سونداي-اق ول قاندايدا ءبىر تۇلعانى، تانىمال ادامدى سالۋ يدەياسى اياق استى كەلەتىنىن اتاپ ءوتتى.
«مىسالعا، باتىرحان شۇكەنوۆتىڭ پورترەتى بار. ونى باتىردىڭ تۋعان كۇنى قۇرمەتىنە سالدىم. گەننادي گولوۆكيننىڭ پورترەتىن ونىڭ جەكپە-جەگى الدىندا سالدىم. ديماش قۇدايبەرگەندى - ونىڭ «سامالتاۋ» ءانىن ەستىگەننەن كەيىن. سونداي-اق باۋىرجان مومىش ۇلىنىڭ جانە وزگە تانىمال تۇلعالاردىڭ بەينەلەرى سالىنعان كارتينالارىم بار»، - دەدى ول.
