الماتى وبلىسىندا جىلقىنى كولىكپەن ادەيى باسقان جۇرگىزۋشىگە قاتىستى اكىمدىك تۇسىنىكتەمە بەردى
«ىلە اۋدانىندا جول تالعامايتىن كولىكپەن جىلقىنى ادەيى باسقان وقيعا شىلدەنىڭ 16 سىندا بولعان. قازىر جۇرگىزۋشىگە قاتىستى ق ر قىلمىستىق كودەكسىنىڭ 316-بابى «جانۋارلارعا قاتىگەزدىك جاساۋ» دەرەگى بويىنشا ءىس قوزعالدى. وبلىستىق پوليتسيا دەپارتامەنتىنىڭ باسپا ءسوز قىزمەتى وقيعا باسشىلىقتىڭ نازارىنا الىنعانىن جەتكىزدى»، - دەپ جازدى ءوزىنىڭ Facebook-تەگى پاراقشاسىندا الماتى وبلىسى اكىمىنىڭ باسپا ءسوز قىزمەتىنىڭ جەتەكشىسى عالىمۇرات جۇكەل.
ايتا كەتەيىك، ەر ادامنىڭ جول تالعامايتىن كولىكپەن جىلقىنى قاساقانا تۇردە باسىپ جاتقان ۆيدەوسى جەلىگە تارااعان بولاتىن. ۆيدەو اۆتورى جىلقىنى باسقان ادامدى پوليسيا الىپ كەتىپ، ارتىنشا بوستاندىققا جىبەرە سالعاندىعىنا شاعىمدانادى.
«مىنا جىگىت كەشە ءبىزدىڭ جىلقىمىزدى كولىكپەن باسقان. كەشە تۇندە پوليسيا الىپ كەتكەن. ال بۇگىن بوستاندىقتا ءجۇر. بۇل نە ماسقارا!» - دەيدى ۆيدەوعا ءتۇسىرىپ تۇرعان اۆتور.
ال پوليتسيا كۇدىكتىنىڭ ارنايى قولحاتپەن بوساتىلعانىن حابارلادى.
«16-شىلدە كۇنى ىلە اۋدانىنداعى مەجدۋرەچينسك اۋىلىنىڭ 38 جاستاعى تۇرعىنى كورشىسىمەن جانجالداسىپ، ونىڭ جىلقىسىن قاساقانا تۇردە جول تالعامايتىن كولىكپەن باسقان. قازىر كۇدىكتىنىڭ ۇستىنەن ق ر ق ك 316 بابى (جانۋارلارعا قاتىگەزدىك جاساۋ) بويىنشا ءىس قوزعالدى. ارنايى قولحاتپەن بوساتىلدى»، - دەلىنگەن الماتى وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.
