سابيلەر ءولىمى كوبەيىپ تۇر - مەملەكەت باسشىسى
بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ۇكىمەتتىڭ باستى مىندەتىنىڭ ءبىرى - انا مەن بالانىڭ دەنساۋلىعىن ساقتاۋ. وكىنىشكە قاراي، سابيلەردىڭ ءولىمى كوبەيدى. انا ءولىمى دە وسۋدە. مەن پەريناتالدىق قىزمەتتىڭ جاي- كۇيىن تەكسەرۋگە تاپسىرما بەردىم. ونىڭ قورىتىندىسى بويىنشا ءتيىستى شارالار قابىلدانۋى كەرەك ەدى. ءبىراق، بارلىق جۇمىس اۋديت دەڭگەيىندە توقتاپ قالدى»، - دەدى قاسىم-جومارت توقايەۆ. مەملەكەت باسشىسىنىڭ اتاپ وتۋىنشە، قازىرگى پەرزەنتحانالاردىڭ كوبى حالىقارالىق ستاندارتتارعا ساي ەمەس.
«سوندىقتان شۇعىل شارالار قابىلداپ، وسى ماسەلەنى شەشۋ قاجەت»، - دەدى قازاقستان پرەزيدەنتى.
ەسكە سالساق، ۇلتتىق ستاتيستيكا بيۋروسى ءمالىم ەتكەندەي، بيىلعى بەس ايدا ەلىمىزدە 1384 نارەستە شەتىنەگەن .
