ەلەنا رىباكينا الماتىعا كەلمەيتىن بولدى
تەننيسشى ۋيمبلدونداعى جەڭىسىنەن كەيىن قازاقستانعا ورالعان بولاتىن. ءبىر كۇن بۇرىن رىباكينا نۇر-سۇلتاندا باسپا ءسوز ءماسليحاتىن وتكىزىپ، جانكۇيەرلەرىمەن كەزدەستى. ءبىراق الماتىدا جوسپارلانعان شارالار وتپەيتىن بولدى.
«قۇرمەتتى الماتىلىقتار! بۇگىن مەن ۋيمبلدونداعى جەڭىسىمىزدىڭ قۋانىشىمەن بولىسۋگە ۇشىپ بارۋدى جوسپارلاعان ەدىم. وكىنىشكە قاراي، سوڭعى كۇندەردەگى شامادان تىس فيزيكالىق شارشاۋ مەن ەموتسيونالدىق كۇيزەلىس مەنىڭ جاعدايىما اسەر ەتتى، ءۇزىلىس جاساۋىما تۋرا كەلەدى. بۇل تاماشا قالاعا كەلەسى جولى مىندەتتى تۇردە كەلەمىن. ءتۇسىنىپ، قولداۋ بىلدىرگەندەرىڭىز ءۇشىن راقمەت!» - دەپ كەلتىردى رىباكيننىڭ ءسوزىن قازاقستاننىڭ تەننيس فەدەراتسياسى.
