ەلوردا كوشەلەرىنە شەرحان مۇرتازا، قۇمان تاستانبەكوۆ پەن اقسەلەۋ سەيدىمبەكتىڭ ەسىمى بەرىلمەك
بۇل تۋرالى قالالىق ءماسليحاتتىڭ قاۋلىسى اشىق تالقىعا شىعارىلدى، دەپ حابارلايدى قازاقپارات ءتىلشىسى.
«الماتى اۋدانىندا ورنالاسقان A24 كوشەسى - ورال مۇحامەدجانوۆ، A40 كوشەسى - نۇرلان بالعىمبايەۆ، A62 كوشەسى - سافۋان شايمەردەنوۆ، نۇرلى جول كوشەسىنىڭ № 37 ۇيدەن № 26 ۇيگە دەيىن جالعاسقان بولىگى - بوزوق، مۇستافا شوقاي كوشەسىنىڭ № 2 ۇيدەن № 10 ۇيگە دەيىن جالعاسقان بولىگى - بوتاي، مۇستافا شوقاي كوشەسىنىڭ № 20A ۇيدەن № 33/2 ۇيگە دەيىن جالعاسقان بولىگى - تۇيمەكەنت، باستوبە كوشەسىنىڭ № 23 ۇيدەن № 37 ۇيگە دەيىن جالعاسقان بولىگى - جارقۇدىق، گەورگي يگيشيەۆ كوشەسىنىڭ № 2 ۇيدەن № 16/3 ۇيگە دەيىن جالعاسقان بولىگى - اقجال، بىرلىك كوشەسىنىڭ № 2/1 ۇيدەن № 30/1 ۇيگە دەيىن جالعاسقان بولىگى - الشالى، يماناق كوشەسىنىڭ № 13 ۇيدەن № 7B ۇيگە دەيىن جالعاسقان بولىگى - جالتىر كوشەسى دەپ اتالسىن.
ال، ەسىل اۋدانىنىڭ اۋماعىنداعى № 202 كوشەسىنە - نۇركەن ءابدىروۆ، E103 كوشەسىنە - ولجاباي باتىر، E111 كوشەسىنە - شەرحان مۇرتازا، E324 كوشەسىنە - دۇكەنباي دوسجان، E325 كوشەسىنە - ەركەعالي راحماديەۆ، E357 كوشەسىنە - الەكساندر سىزعانوۆ، E486 كوشەسىنە - ەركىن اۋەلبەكوۆ، E576 كوشەسىنە - قاناي بي، E577 كوشەسىنە - حامزا ەسەنجانوۆ، E578 كوشەسىنە - بوپاي حانىم، E579 كوشەسىنە - قايرەدەن قاربايەۆ، E580 كوشەسىنە - سابىر نيازبەكوۆ، E582 كوشەسىنە - بەرتىس بي، E607 كوشەسىنە - قۇمان تاستانبەكوۆ، E608 كوشەسىنە - شولپان جانداربەكوۆا، E757 كوشەسىنە - اقسەلەۋ سەيدىمبەك، E758 كوشەسىنە - شەيح حاليفا بەن زايد ءال- ناحايان، E889 كوشەسىنە - بارلىبەك سىرتتان ۇلى، E890 كوشەسىنە - ەرمۇحان بەكماحانوۆ، E898 كوشەسىنە - تۇرسىنبەك كاكىشيەۆ اتاۋى بەرىلسىن. سارىارقا اۋدانىنا قاراستى № 20-40 كوشەگە - ءسابيت مۇقانوۆ ەسىمى بەرىلسىن»، - دەلىنگەن قاۋلىدا.
سونىمەن قاتار، ءماسليحات ۇسىنىسى بويىنشا دينا نۇرپەيىسوۆانىڭ ەسكەرتكىشى جانىندا ورنالاسقان اللەياعا - «قازاق ەلىنىڭ كۇيشىلەرى مەن كۇيشى- كومپوزيتورلارى اللەياسى» دەگەن اتاۋ بەرىلمەك. ال، سىرتقى ىستەر مينيسترلىگى عيماراتىنىڭ الدىندا ورنالاسقان اللەيانى - «ءنازىر تورەقۇلوۆ اتىنداعى ديپلوماتتار اللەياسى» دەپ اتاۋ ۇسىنىلىپ وتىر.
«سالتانات سارايى» كەشەنى مەن «The St. Regis Astana» قوناقۇيى اراسىندا ورنالاسقان سكۆەر ەندى « ۇلىبريتانيا جانە سولتۇستىك يرلانديا بىرىككەن كورولدىگىنىڭ پاتشايىمى II ەليزاۆەتا اتىنداعى سكۆەر» دەپ اتالۋى مۇمكىن. كوشەلەر مەن اللەيالارعا اتاۋ بەرۋ تۋرالى ءماسليحات قاۋلىسى 10 كۇننەن سوڭ كۇشىنە ەنەدى.
