«ىلە- بالقاش» رەزەرۆاتىنا بۇقار بۇعىلارى جىبەرىلدى

«بۇقار بۇعىسىنىڭ وڭتۇستىك بالقاش ماڭىنا ورالۋى - جولبارىستى جەرسىندىرۋ باعدارلاماسىنىڭ ماڭىزى كەزەڭى. وسىدان 4 جىل بۇرىن رەزەرۆات اۋماعىنا 5 بۇعى جىبەرىلگەن بولاتىن. بۇگىندە ولاردىڭ سانى 150 گە جەتتى»، - دەيدى ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى ءاليا شالابەكوۆا.

بۇقار بۇعىلارىنىڭ بالقاش اۋدانىنا ورالۋى، جولبارىستى قازاقستانعا جەرسىندىرۋ باعدارلاماسى اياسىندا ىسكە اسىرىلىپ جاتىر. بۇل جوبانى مينيسترلىكتىڭ ورمان شارۋاشىلىعى جانە جانۋارلار دۇنيەسى كوميتەتى دۇنيەجىزىلىك جابايى تابيعات قورىمەن (WWF) بىرلەسىپ، ب ۇ ۇ د ب قولداۋىمەن جۇزەگە اسىرىپ كەلەدى.

«ىلە- بالقاش» تابيعي رەزەرۆاتىنا بۇعىلار جىبەرۋ جىل سايىنعى داستۇرگە اينالدى. بۇل وسىمەن ءتورتىنشى رەت جۇزەگە اسىرىلىپ جاتسا دا، ءبىز وڭتۇستىك بالقاش ءوڭىرى ءۇشىن عانا ەمەس، بۇكىل قازاقستاننىڭ جابايى تابيعاتى ءۇشىن دە بىرەگەي وقيعانى اسىعا كۇتەمىز»، - دەدى دۇنيەجۇزىلىك جابايى تابيعات قورى (WWF) ورتالىق ازيا باعدارلامالار ديرەكتورى گريگوريي مازمانيانتس.

جانۋارلاردىڭ ەركىندىكتەگى قوزعالىسىن باقىلاۋ ماقساتىندا، ولاردىڭ جىبەرىلگەن اۋماعىنا 6 فوتوتۇزاق ورناتىلدى. سونداي- اق، ءۇش بۇعىعا GPS ورناتىلعان قارعىباۋ تاعىلدى. بۇل قۇرىلعىنىڭ جانۋارلارعا ەش زيانى جوق.

ايتا كەتسەك، بۇقار بۇعىسى الماتى وبلىسى بالقاش اۋدانىندا كوپ بولعان. الايدا، ⅩⅩعاسىردىڭ باسىندا جويىلىپ كەتتى. قازاقستاننىڭ عانا ەمەس، حالىقارالىق قىزىل كىتاپقا دا ەنگىزىلدى. ب ۇ ۇ كونۆەنتسياسى اياسىندا قورعالادى. بۇگىندە ونىڭ الەمدەگى پوپۋلياتسياسى 4 مىڭنان اسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى