قىمباتتى قازاقستاندىقتار، مەن ۇيگە قايتامىن - ەلەنا رىباكينا
سپورتشى ەلوردادا ءبىرقاتار كەزدەسۋلەر وتكىزەدى، دەپ حابارلايدى قازاقپارات قازاقستان تەننيس فەدەراتسياسىنا سىلتەمە جاساپ.
«قىمباتتى قازاقستاندىقتار! مەن ۇيگە قايتامىن. سىزدەر مەن ءۇشىن جەڭىستى بولعان ۋيمبلدوندا ماعان قىزۋ قولداۋ كورسەتتىڭىزدەر. مەن ونى سەزدىم. العىس ايتامىن. ءبىز تاريحقا بىرگە ەندىك، بۇل - كەرەمەت! ءوزىم ءالى دە سەنە الار ەمەسپىن»، - دەيدى ەلەنا رىباكينا.
چەمپيوننىڭ بۇل جۇرەكجاردى لەبىزىن فەدەراتسيانىڭ باسپا ءسوز قىزمەتى جەتكىزدى. فەدەراتسيا مالىمەتىنشە، ەلەنا رىباكينا ەلوردادا جۋرناليستەرگە باسپا ءسوز ءماسليحاتىن وتكىزىپ، جاس سپورتشىلارمەن جانە جانكۇيەرلەرمەن كەزدەسەدى دەپ جوسپارلانىپ وتىر.
ەسكە سالا كەتەيىك، قازاقستاننىڭ ءبىرىنشى، الەمنىڭ 23-راكەتكاسى ەلەنا رىباكينا العاش رەت ۋيمبلدون تۋرنيرىنىڭ چەمپيونى اتاندى.
