بەتپەردە كيگەن قارۋلى ەكى ادام تۇركىستانداعى ويىنحانانى توناپ كەتتى - ۆيدەو

وقيعا تاڭعى ساعات 04:58 شاماسىندا بولعان. بەتپەردە كيگەن، قولىندا قارۋى بار ەكى ەر ادام ويىنحاناداعى كاسسا جاشىگىن بۇزىپ، ىشىنەن 350000 تەڭگەنى الىپ كەتكەن.

«اتالعان دەرەكتى ءبىز ق ر ق ك-نىڭ 192-بابى 2-بولىگى بويىنشا تىركەدىك. جان- جاقتى جەدەل ىزدەستىرۋ شارالارىنىڭ ناتيجەسىندە ەكى تاۋلىك ىشىندە كۇدىكتى رەتىندە تۇركىستان قالاسىنىڭ ەكى تۇرعىنىن ۇستادىق. تەرگەۋ بارىسىندا كۇدىكتىلەر قىلمىس جاساعانىن مويىنداپ، ۇرلانعان اقشانى جەكە قاجەتىنە جۇمساعانىن ايتتى»، - دەدى تۇركىستان وبلىسى پوليتسيا دەپارتامەنتى باستىعىنىڭ ورىنباسارى، پوليتسيا پولكوۆنيگى قۇرمانبەك ساحوۆ.

تەرگەۋ بارىسىندا كۇدىكتىلەردىڭ ءبىرى قولىنداعى تاپانشانىڭ ويىنشىق ەكەنىن، ونى قالا بازارلارىنىڭ بىرىنەن ساتىپ العانىن ايتقان. ال، قاراقشىلىق شابۋىل جاساعاننان كەيىن ول قارۋدى دارەتحاناعا تاستاعان. كەيىننەن ويىنشىق تاپانشا دا زاتتاي دالەل رەتىندە تاركىلەنگەن.

«قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلىپ جاتىر. بۇگىنگى تاڭدا كۇدىكتىلەر قاماۋدا. وقيعانىڭ بۇكىل ءمان-جايى انىقتالىپ جاتىر»، - دەدى ق. ساحوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى