قوستاناي وبلىسىندا كولىك پەن جىلقى سوقتىعىسىپ، ەكى ادام قازا تاپتى
«تۇنگى ساعات ءبىر شاماسىندا «قوستاناي- اۋليەكول- سۇرعان» تاسجولىنىڭ 134- شاقىرىمىندا جول اپاتى بولىپ، ەكى ادام قازا تاپتى. تاعى ءتورت ادام ءارتۇرلى دارەجەدە دەنە جاراقاتىن الدى. شەتەلدىك كولىك جۇرگىزۋشىسى جىلقىنى سوقتى. ءقازىر اپاتتىڭ سەبەبى انىقتالىپ جاتىر»، - دەپ حابارلادى پوليتسيادان.
جىلقىنىڭ يەسى ق ر اكىمشىلىك قۇقىقبۇزۋ كودەكسىنىڭ 408-بابى بويىنشا اكىمشىلىك جاۋاپكەرشىلىككە تارتىلدى. ءتارتىپ ساقشىلارى كۇرە جولدا جول قوزعالىسى ەرەجەلەرىن ساقتاۋ قاجەتتىگىن ەسكە سالدى.
«جۇرگىزۋشىلەرگە تاعى دا ۇندەۋ جولدايمىز: جولدا ابايلاپ ءجۇرىپ، قىراعى بولىڭىز، جول ەرەجەسىن ساقتاڭىز، ادامداردىڭ ءومىرى سوعان بايلانىستى»، - دەپ اتاپ ءوتتى قوستاناي وبلىسى اكىمدىگىنىڭ باسپا ءسوز قىزمەتىنەن.
قازىرگى كەزدە وبلىستىڭ تاسجولدارىندا پاترۋلدەۋ كۇشەيتىلدى.
